ISAI 41:28 - Mara Bible RV (BSI)

²⁸ Châhrasala moh nahta, Chyhsa rai y leipa ei ta; Hiahri ei na ta, Achhyna a pie theipa Ryhraokheituhpa ama hry liata y veih ei.

ISAI 41:28 ပူးပေါင်းရင်းမြစ်များ

ISAI 46:7

Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ISAI 59:16

Tlybaipazy a bao awpa chyhsa y leipa ei ta, Âmo châta thlah a chhâ awpa a hmô leipa vâta, Abeipa cha noâh a tah ngaita. Chavâta ano bâh tlai ta a pachhana patlôsa ta, Ano siana tlai ta a bao ei.

ISAI 63:5

Mohmia pasaih na ta, Châhrasala nâ bao awpa y veih ei; Chi ngaita na ta, Châhrasala nâ duakhei awpa y veih ei. Chavâta pachhana cha, Keima bâh tlai ta na vaw tlôkheipa ta; Keima pathiiana tlai ta einâ duakhei.

ISAI 65:12

Ei cha aw no ei ta nâ chhy leipa ei chi ta, Bie ei rei nota chhao nathlie leipa ei chi ta, Ei mohmô liata hmo pha leipa taopa ta, Ei ly leipa hmozy namâ tlyhpa vâta, Nama tovyuh châta zaozi cha raopa aw ei na ta, Nama zydua ta thietuhpa hmia liata namâ bôh aw.”

DÂNIAH 5:8

Chatanachata abei chyhsa sopa zydua cha a zâ ngia ei ta, châhrasala châropa a reih theipa y leipa ei ta, a chhopasiana abei a pahnosa theipa y hra veih ei.