ISAI 41:27 - Mara Bible RV (BSI)

²⁷ Keima tlai he Zaio hnohta, “Moh teh, he liata ama y,” A tah tua chaipa châ na ta, Zerusale hnohta thâtih phapa a phuah tua chaipa ei châ.

ISAI 41:27 ပူးပေါင်းရင်းမြစ်များ

ISAI 40:9

Hy Zaio lâ thâtihpha a tlôkheituhpa y, Tlâh sâhpa lâ khi kiah mah y. Hy Zerusale lâ thâtihpha a tlôkheituhpa y, Hmotaotheina chhaota na ao papua mah y. Chi leipa ta na ao papua la, Zudâh khihpizy hnohta, “Nama Khazohpa he moh teh u!” tah mah y.

ISAI 41:4

Âthaona tawhta chhâzy ahy ta aw ta, He rai he ahy ta hria ta, Ahy ta ma a patlô tly? Kei, Abeipa he hmiatua chaipa hnohta y na ta, Hnôhchaipa hnohta chhao a ypa ei châ; Keima tlai he na ei châ.

ISAI 43:10

“Nâmo tlai he nâ pahnokheituhpa châ ei chi ta, Nâ chakaotuhpa ei tlyhpazy nama châ. Chatanachata keima tlai he, Khazohpa cha ei châ tahpa nama novâh aw ta, Pahno aw ei chi ta, Einâ ngiapâ aw ei chi. Kei ei y hlâta cha, Khazoh hropa rai y leipa ta; Keima khai tawhta chhao, Khazoh hropa y khao aw vei,” Abeipa ta a tah.

ISAI 44:28

Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

ISAI 46:9

Hlâno ta hmo parohpazy kha, A thei thlâh ha teh u; Kei he Khazohpa châ na ta, Khazoh hropa rai y veih ei; Kei he Khazohpa châ na ta, Kei hawhpa rai y veih ei.

ISAI 48:12

Hy Zakaw, Na nathlie la; Hy ei awpa Izarei, Na nathlie teh! Kei he Ano cha ei châ; A hmiatuachaipa châ na ta, A hnôhchaipa ei châ.

ISAI 48:3

“Hmo parohpazy kha, Hlâno tawhta reih ha ei na ta; Ei pakah tawhta a puapa, Ei phuah hapazy ama châ. Thlai ta tao ei na ta, Ama vaw tlô pâ lymâ.

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.

BIEPHUAH 2:8

“Smynâ Awnanopa vâlyuhchâpa hnohta hetana heta roh teh: ‘Âthaona nata achhâna, thi ha ta, a vaw hroh heihpa khata he biezy he a reih.