ISAI 41:22 - Mara Bible RV (BSI)

²² Nâmo, khazoh nothlahpazy saih u, Hmo vaw y awpa cha miah chho teh u. Pachâ sih la eima pasia thei nawpa ta, Hlâno hmozy miah chho u la, Hmo vaw tlô awpazy miah chho teh u.

ISAI 41:22 ပူးပေါင်းရင်းမြစ်များ

ISAI 41:26

Eima pahno thei nawpa ta, Ahy ma âthaona tawhta vaw reih ta, “Ano cha adopa a châ,” eima tah thei nawpa ta, Khahlâ tawhta a vaw reih beih tly? Cha bie cha a phuahpa y leipa ei ta, A chhopa y veih ei; Chavâta nama biezy a theipa y veih ei.

ISAI 42:9

Moh teh u, hmo parohpazy lei ei ta, Tahmâ he hmo thiehpazy ei phuah; Ama vaw tlô hlâ chhao ta, Ei cha chho hapa ei kha a châ.”

ISAI 44:7

Keima hawhpa he ahy ma a y? A y khiah cha a phuah mawh sy. Hlâno chyhsazy kha kei ta ei raopazy châ ei ta, Chavâta keima hawhpa he a y tlai khiahta cha, Ei hmiakô liata a vaw phuah mawh sy. Hmo a vaw y awpazy phuah ei sala, A vaw tlô awpazy phuah mawh ei sy.

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ISAI 48:14

Nama zydua ta a hmaoh u la, Nathlie teh u! Ama hry liata ahy kha ma He hmozy he a reih beih tly? Abeipa ta Kôresâ cha kyhpachâ ta, A khopa cha Babylaw chô liata tao aw ta, Kaldia mo chô liata a bâh a hy aw.

ISAI 48:3

“Hmo parohpazy kha, Hlâno tawhta reih ha ei na ta; Ei pakah tawhta a puapa, Ei phuah hapazy ama châ. Thlai ta tao ei na ta, Ama vaw tlô pâ lymâ.

ZAWHÂNA 13:19

Tahmâ a vaw tlô hlâta ei cha chho ei, a vaw tlô tita, keima he ano cha ei châ tahpa namâ ngiapâ thei nawpa ta.

ZAWHÂNA 16:14

Kei eih la aw ta, nama hnohta a phuah awpa vâta, ano ta kei eina parônahsa aw.