ISAI 41:17 - Mara Bible RV (BSI)

¹⁷ Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.

ISAI 41:17 ပူးပေါင်းရင်းမြစ်များ

ÂTHAONA 28:15

Pachâ teh, na hnohta ei y. Na siena maihta cha vaih lymâ aw na ta, he râh lâ he ei châ vaw chhi heih aw. Na hnohta bie ei taihpa he, ei patlô hlâlei cha, cha siesai cheita aw va na,” tah ta.

1 ABEIZY 17:8

Abeipa bie a hnohta vaw tlô ta,

2 THÂTIHZYRONA 6:17

Chavâta Hy Abeipa, Izarei Khazohpa y, châ chakaotuhpa Dâvi hnohta na reipa bie kha ngiachhiepa ta pa-i mah y.

HLAZY 22:15

Ei thatlôna beihkao hawhta hi karâpa ta, Ei paleih ei dâh lâta a bai ta, Thina dohlei liata eina soh chi.

HLAZY 34:6

Dyhchhiepa cha awh ta, Abeipa ta a thei; A nôpona zydua tawhta a pachha.

HLAZY 37:25

Hawti vaw châ na ta, Tahmâ cha ei machâ haw; Mosiapa pathluapa ta a ypa hmô beih leipa na ta, A pathlazy nie hnei leipa ta kudaopa hmô beih va na.

HLAZY 42:2

Ei hro he Khazohpa vâpa ta a dâhphi ta, Khazohpa hrohpa vâpa ta a dâh a phi. Khati ta ma sie aw sah la, Khazohpa hmia ei hmô aw tly?

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 74:21

Tlybaipazy cha nozapa ta pakuasa leipa la, Dyhchhiepa nata phahlapa zy ta na moh cha reithai mawh ei sy.

HLAZY 94:14

Abeipa ta a phopi siesai leipa aw ta, A ryuto cha thy aw vei.

PUASAINA 17:3

Zawpizy cha ama dâhphi ngaita ta, Mawsi chô liata paphôh ei ta, a hnohta, “Khazia keimo nata eima sawzy nata eima sahrohzy he dâhphipa ta miah thie awpa ta Izi râh tawhta miah nâ kaw chhi papua?” tah ei ta.

PUASAINA 17:6

Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

ISAI 30:19

Hy Zerusale liata a pahrâpa Zaio phopi y, cha khao aw va chi. Na awna ao vâta Abeipa ta cha ngiachhie tlai aw ta, a theipa nahta, a cha chyh-ei aw.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 43:20

Ei phopi atlyhpa hnohta ti do awpa pie awpa ta, Râhchawhpa liata ti paysa na ta, Râh raohpa liata chavahzy ei paysa; Chavâta râhsazy ta na palyupalih aw ei ta, Savai nata pavawpizy ta eina palyupalih aw ei.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 48:21

Râh raohpa su liata â chhi no ei khata, Ama dâhphi leipa ta; Âmo châta lôpanô tawhta ti palosa ta, Lôpanô pakei ta ti a kaw pali.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

CHAPHÔHTUNA 4:4

Hawsaih sâhpi a ngiehpa paleih cha, A dâhphi tupa vâta a dâh liata â bai. Hawtizy ta niedo a haw ei ta, Châhrasala a piepa y veih ei.

EZEKIA 47:8

Chyhsa chata ei hnohta, “He ti he nochhi râh lâta loh lymâpa ta, Arabâ râh liata loh laih ta, tilaipi liata â ngia. Tilaipi liata â ngia nahta, tilaipi ti iahpa cha ti pathaihpa a pachâsa haw.

MATHAI 5:3

“Thlahpa sipasapazy ama nohlao na, vârâh khinarâh ama eih a châpa vâta.

MATHAI 5:6

“Siana khopa vâta nodi dâhphipazy ama nohlao na, ama aoh a vei awpa vâta.

LUKA 16:24

Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.