ISAI 41:16 - Mara Bible RV (BSI)

¹⁶ Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 41:16 ပူးပေါင်းရင်းမြစ်များ

HLAZY 1:4

Hmoparaopazy deikua, cha hawhta châ leipa ei ta, Sâh sihpa ziza ta a phaopa hawhta ama châ.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 17:13

Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 28:5

Cha noh liata, Pheisaihzy Abeipa cha, Rônahna lakho châ aw ta; A phopi laibâhpa châta, Beilakho a ngiapa a châ aw.

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 29:5

Châhrasala chihropa na chariahpa hluhpizy cha, Dohlei dipa hawhta châ aw ei ta; Nôchhiepa manôh hluhpizy chhao, Saviah a zawpa hawhta ama châ aw. Movi hlâta, eikhapi ta,

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 40:24

Lopa nata tupa châ ei ta, Alei liata thari ama thla pathaopa nahta, Âmo cha a hu ta hmô ta, Ama uah ha tyh; Chatanachata sâh sihpa hawhta, Chothyu ta a phaoh pathlah ha tyh ei.

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 60:19

Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.

ISAI 65:18

Châhrasala hmo ei taopazy liana heta Thaphapa nata alypa ta khâ y teh u. Moh teh u, Zerusale cha alyna châta tao na ta, A khihsawzy chhao thaphana châta ei tao.

ZEREMIAH 15:7

Râh thokhy chhikaozy liata, Âmo cha ziena ta zie ei na ta; Saw luh pahleipa ta ei tao ha ei. Ama hroziezy ama pathleih leipa vâta, Ei phopi cha ei pahleipadia haw.

ZEREMIAH 51:2

Zietuhpazy Babylaw lâ tuah aw na ta, Âmo ta Babylaw cha zie aw ei ta, A râh ama parua aw. Nôpona noh vaw tlô aw ta, Su to tawhta Babylaw ama siehnao aw.

ZEREMIAH 51:20

“Hy Babylaw, nâ cha ei chariah tuna ahrei châ chi ta, Ei adyuhna chaihrai na châ; Nâma hmâpa ta phopizy chaphie ei na ta, Nâma hmâpa ta khinarâhzy ei pahleipadia ha ei.

ZEREMIAH 51:33

Pheisaihzy Abeipa, Izarei Khazohpa ta hetana heta a tah: “Babylaw sawchanô cha, Sâh tly nota sawhri hawhta a châ; Bohpi leipa ta a sâh hria daihti a vaw tlô aw.”

DÂNIAH 2:35

Thua zy, beihlei zy, dawh zy, tâkâ zy, ngôh zy cha a tlawh ta zao khai ha ei ta, nopi noh sawhri sâh sihpa hawhta vaw châ ei ta, thlih ta âmo cha phaoh ta, ama hniehnôh chhao hmô awpa y khao vei. Cha nona chata nothlahpa a vituhpa alô cha tlâh lai ngaitapa lâta a vaw lie ta, alei chô zydua a bie haw.

HÔSIA 11:9

Ei hiehâhpa ta hmo tao khao leipa aw na ta, Kuahnaopa ta Epharai cha parao khao aw va na. Chyhsapa châ leipa na ta, Khazohpa ei châ; Nama hnohta a ypa Pathaihpa châ na ta, Pathi iapa ta a vy aw va na.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

HABAKU 3:18

Abeipa liata a ly aw na ta, Ei pachhana Khazohpa liata khâ ei ly aw.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.