ISAI 41:11 - Mara Bible RV (BSI)

¹¹ Pachâ teh, na chô liata a hie a hâhpa zydua cha, Nozapa nata maophyuhpa ta soh aw ei na ta, Châ dyuhpa zydua chhao, Khâpa hmah a châ leipa hawhta châ aw ei ta, Ama leidia aw.

ISAI 41:11 ပူးပေါင်းရင်းမြစ်များ

PUASAINA 11:8

Châ chakaotuhpa zydua he ei hnohta a zu aw ei ta, ei hmiakô liata a bôhpa ta, ‘Nâ nata châ zituhpa chyhsa zydua he pua teh u,’ tah aw ei ta, cha khai tawhta ei pua aw,” tah ta. Chatanachata Phiraoh tawhtapa cha hiehâh ngaitapa ta pua ha ta.

PUASAINA 12:29

Chatanachata zâcho a vaw châ nahta, Abeipa ta Izi râh liata sawtuapa zydua, Phiraoh sawchapaw uhtheipa beidyuchhai liata a tyuhpa tawhta a tâhpa sawchapaw uhtheipa patâhna o liata a ypa taihta thie ta, sahroh a pataw tuapa zydua chhao a thi khai haw.

PUASAINA 23:22

“Châhrasala a bie pakhâta ta nathliepa ta, ei reipa zydua na tao khiahta cha, na chariahpazy châta chariahpa châ aw na ta, na khakhaipazy châta khakhaipa ei châ aw.

ISAI 17:13

Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

ISAI 29:5

Châhrasala chihropa na chariahpa hluhpizy cha, Dohlei dipa hawhta châ aw ei ta; Nôchhiepa manôh hluhpizy chhao, Saviah a zawpa hawhta ama châ aw. Movi hlâta, eikhapi ta,

ISAI 29:7

Zerusale a dyuhpa râhzy liata zawpi zydua cha, Ramâ hawhta châ aw ei ta, Zâ ta aluahna hawhta ama châ aw; Zerusale khihpi nata a thokhy a dyuh ta, Zerusale nô a papotuhpa zydua chhao, Ramâ hawhta châ aw ei ta, Zâ ta aluahna hawhta ama châ aw.

ISAI 29:8

Zaio Tlâh a dyuhtuhpa râhzy liata zawpizy cha, Nodipa ta a mâ lâta pati nie ta, Châhrasala a kaw hra ta, A nodipa a pai hlei leipa hawhta châ aw ei ta; Dâhphipa ta a mâ lâta ti doh ta, Châhrasala a kaw hra ta, A dâhphi pai hlei leipa ta, A panaopa hawhta ama châ aw.

ISAI 34:12

Bei a châ awpa abei sawzy y leipa aw ei ta, A beimachâzy chhao khâpa hmah châ aw veih ei.

ISAI 40:17

Ano hmiakô liata la, Râh zydua he khâpa hmah a châ leipa hawhta châ ei ta, Ano pachâ ta la, Khâpa hmah a châ leipa hlâ chhao ta, Chyh viapa nata aruapa hawhta pachâpa ama châ.

ISAI 40:2

Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

ISAI 41:24

Pachâ teh u, khâpa hmah châ veih ei chi; Nama raihria chhao, Khâpa hmah a châ leipa hlâta a châ lei via; Nâmo châ tlyhtuhpa cha pasichhihpa a châ.

ISAI 41:29

Moh tua u, apakheipa sai châ ei ta, Ama raihria chhao hraoleipa sai a châ; Ama nothlahpa leihpazy chhao, Ziza ruapa dei a châ.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ISAI 49:25

Abeipa ta hetana heta a tah: “Pasaipha seizy chhupa châ aw ei ta, Pahnietuhpa hraona sôhzy la pakhuapa a châ aw. Châ dyuhtuhpazy a dyuh aw ei na ta, Na sawzy ei pachha aw ei.

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 54:15

Châ siehnaopa ama y khiahta cha, Kei ta ei tuapa châ veih ei; Châ siehnaopazy cha, Nâma vâta ama pao aw.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ZEREMIAH 12:17

Phopi kheihawhpa rai châ sala, a nathlie khoh vei khiahta deikua cha, cha phopi cha phia pathlah aw na ta, tlokhuh ei pahleipadia ha aw,” Abeipa ta a tah.

ZEREMIAH 2:3

Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

ZEKARIA 12:3

Cha noh liata, Zerusale cha khizaw phopi zydua châta alô a hri ngaitapa ta tao aw na ta, a chalopa maih cha âmosasyh ta hmah amâ paphao lymâ aw. Chatawhcha khizaw râh zydua a paraoh aw ei ta, ano cha amâ dyuh aw.

HMOTAOPAZY 16:39

Vawh ei ta, reihpha cheih ei ta, papua ei ta, khihpi puasai awpa ta a haw ei ta.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.