ISAI 41:10 - Mara Bible RV (BSI)

¹⁰ Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:10 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 31:5

Ama hnohta, “Nama paw he ei chô liata â ly tyhpa hawhta a ly khao vei tahpa ei pahno. Châhrasala nâ pathlatuhpazy Khazohpa ei hnohta y ta.

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

2 SAMUELA 22:19

Vâchhiena ei tyh noh ta na tei lao ei ta, Châhrasala Abeipa cha nâ baotuhpa a châ.

1 THÂTIHZYRONA 12:18

Sythôh chô liata hyutuhpa Amasai chô liata Thlahpa vaw tlô ta, ano chata, “Hy Dâvi y, na chyhsazy châ pi ta, Hy Zese sawchapawpa y, Na chhâh a châpazy eima châ hih! Thlalôhna, na chô liata thlalôhna y sala, Châ baotuhpazy chô liata thlalôhna y mawh sy! Na Khazohpa ta a cha bao lymâ hih,” tah ta. Chatawhcha Dâvi ta âmo cha a ly ta, a pheisaih hyutuhpazy ta a tao ha ei.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

2 THÂTIHZYRONA 32:8

Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

HLAZY 144:11

Ama pakah ta haipa bie a reih tyhpa, Chihropazy ku tawhta na pachhapa ta na pabohsa la; Ama ku chachâh lâ adoleina ku a châpazy tawhta, Na pachhapa ta na pabohsa mah y.

HLAZY 144:8

Ama pakah ta haipa bie a reih tyhpazy châ ei ta, Ama ku chachâh lâ cha adoleina ku a châ.

HLAZY 145:14

Abeipa cha a pao awpa zydua patu ta, A bôhpa zydua a pathyu tyh.

HLAZY 147:12

Hy Zerusale, Abeipa cha reithai la, Hy Zaio, na Khazohpa cha reithai mah y!

HLAZY 18:36

Ei phei chakâna su pakawh chi ta, Ei pheizy a chakhao beih vei.

HLAZY 27:1

Abeipa cha ei khaihna nata ei pachhana châ ta, Ahy ei chi aw? Abeipa cha ei hrona thokhy châ ta, Ahy ei chi aw?

HLAZY 29:11

Abeipa ta a phopi hnohta thatlôna pie sala, Abeipa ta a phopi hnohta thlalôhna byhnâ pie mawh sy!

HLAZY 33:12

Abeipa a Khazohpa ta a hneipa râh cha, Râh huhiehpa châ ta; A ryuto châta â tlyhpa phopi chhao, Phopi huhiehpa a châ.

HLAZY 37:17

Moleipa bâhzy cha thliepa châ aw ta, Mosiapa deikua cha Abeipa ta khâchâ a patu aw.

HLAZY 37:24

Abeipa ta a ku liahsa a patu hapa vâta, Pao hra sala, Pao pathlah aw vei.

HLAZY 41:12

Ei dona vâta nâ duakhei chi ta, Na hmiakô liata khâ eina paysa chi.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:7

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 63:8

Ei hro ta khâchâ cha patu ta, Na ku chachâh lâta eina cha-ao chi.

HLAZY 65:5

Hy eima pachhana Khazohpa y, Hmo rônahpa taopa ta siana ta miah a chhy chi ta; Nâ cha khizaw kaokih hnabeiseihna châ chi ta, Tilaipi a hla chaipazy hnabeiseihna chhao na châ.

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

PUASAINA 20:20

Mawsi ta zawpi hnohta, “Chi khuh vy. Cha pasia awpa ei ta Khazohpa â vy hih. Nama molei lei nawpa ta, Khazohpa china nâmo liata y mawh sy,” tah ta.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 37:6

Isai ta ama hnohta, “Nama zibeipa cha hetana heta kei chho teh u: ‘Abeipa ta hetana heta a tah: Na bie theipa, Asuria bei chakaotuhpazy ta eina reipachhienazy vâ ei ta chi khah y.

ISAI 43:5

Chi khah y, na hnohta ei y mâh tâh. Nochhi lâ tawhta na chipathla a vaw chhi aw na ta, Notla lâ tawhta ei cha pakhy aw.

ISAI 44:2

Cha tao ta, nô chhi chhôh tawhta cha padua ta, Châ bao lymâ awpa Abeipa ta hetana heta a tah: Hy nâ chakaotuhpa Zakaw y, chi leipa la, Hy ei tlyhpa Zesuruh y, chi khah y.

ISAI 49:8

Abeipa ta hetana heta a tah: “Khokheina daihti liata châ chhy na ta, Pachhana noh liata ei cha bao. Râh paduapathi ta, Roryhrapa ta a y hapa ryuto râhzy rai awpa ta, Biehrai phopi châta cha tao na ta, ei cha rao.

ISAI 50:9

Moh teh u, Abeipa Zehôvâh ta na bao aw ta, Ahy thailei nâ pachâsa thei aw tly? Ama zydua ta chysia hawhta paroh aw ei ta, Chhoma-u ta a nie khai aw ei.

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ISAI 60:19

Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.

CHAPHÔHTUNA 3:57

Ei cha aw tita nâ vaw hnia chi ta, ‘Chi khah y!’ eina tah chi.

DÂNIAH 10:12

Ano ta ei hnohta, “Chi kha, Dâniah, pahnona hnei awpa ta na pathipalôh pie chi ta, na biezy theipa châ ta, na biezy vâta â vypa ei châ.

DÂNIAH 6:16

Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

HÔSIA 1:9

Abeipa ta a hnohta, “A moh ta Lôami bi teh. Ei phopi châ khao leipa ei chi ta, nama Khazohpa chhao châ khao va na” tah ta.

HÂKAI 1:13

Abeipa lyuhchâpa Hâkai ta, “Abeipa ta, ‘Nama hnohta ei y,’ a tah” tahpa ta Abeipa bietapa cha zawpi hnohta phuah ta.

HÂKAI 2:5

‘Chi khah u, Izi râh tawhta nama kaw pua nota bie ei châ taih hapa hawhna ei khata, ei Thlahpa ta khâ a cha ypâ lymâ ei.’

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

ZEKARIA 10:6

“Zudâh pathlazy cha, Thapatlô aw ei na ta; Zawsi pathlazy chhao, Ei pachha aw ei. Ei ngia eina chhie kawpa vâ ei ta, Ei chhi pakhua heih aw ei; Ei thy beih leipa hawhta y heih aw ei ta, Abeipa ama Khazohpa ei châpa vâta, Ei chyh-ei aw ei.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

LUKA 1:13

Châhrasala vâlyuhchâpa ta a hnohta, “Zekaria, chi khah y, na thlahchhâna kha theipa a châ haw. Na lapinô Elizabe ta sawchapawpa sa aw ta, a moh Zawhâna na bi aw.

LUKA 1:30

Vâlyuhchâpa ta a hnohta, “Mâri, chi khah y, Khazohpa khokheina na to hih.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

EPHESI 3:16

A rônahna hneirôh ngaitazie hawhta, Khazohpa ta a Thlahpa zawhzi ta nama chhôh lâ hro tha a cha patlô thei nawpa ei ta, thlah ei cha chhâpa ei.

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

PHILIPI 4:13

Tha nâ patlôtuhpa Krista liata ato ei tao thei.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

RYUREITUHPAZY 6:16

Abeipa ta a hnohta, “Na hnohta y aw na ta, Midia mo cha chyhsa pakha thiepa hawhta na thie khai aw ei,” tah ta.