ISAI 41:1 - Mara Bible RV (BSI)

¹ Hy tilaipi kiah râhzy saih u, Ei hmiakô liata sidiapa ta y u la, Phopizy ta ama thatlôna pathieh mawh ei sy. Ryureina su lâ vaw puapa ta, Ama thâtih a vaw reih ei sala, Ryureina su liata a tyh suh vy.

ISAI 41:1 ပူးပေါင်းရင်းမြစ်များ

ZAWBÂ 38:3

Chapaw kawpa ta na chai a saih la, Bie cha hiahri aw na ta, Nâ chhy mah y.

HLAZY 46:10

“A chalih u la, Khazohpa ei châ tahpa pahno teh u. Phopizy hry liata cheihchalopa ta y aw na ta, Alei chô liana heta cheihchalopa ta ei y aw.”

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 34:1

Hy râhzy saih u, thei awpa ta a vaw hnia u la, Phopizy saih u, nathlie teh u! Alei ta thei sala, A chhôh liata a ypa zydua ta thei mawh ei sy; Khizaw ta thei sala, A chhôh tawhta a puapa zydua ta thei mawh ei sy.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

ISAI 41:5

Tilaipi kiah râhzy ta hmô ei ta, Ama chi ngaita; Khizaw kaokih a chalyu ei ta, A vaw hnia ei ta amâ vy.

ISAI 43:26

Nâ thei khei la, Pachâ khoh tua ei si; Nâ dozie pasiapa a châ thei nawpa ta, Na thaichâna bie cha reih tua.

ISAI 43:9

Râh zydua a hmaoh ei ta, Phopizy amâ pakhy. Ama hry liata ahy ma he he reih thei aw ta, Hmo parohpazy miah a pahmô thei aw? Amâ dona a duakhei awpa ta, Pahnokheituhpazy a vaw chhi ei sala; Nathlie ei sala, “Â do na,” tah mawh ei sy.

ISAI 48:16

Nâ vaw hnia u la, He bie he thei teh u; Hmo vaw y awpa kyh liata, Âthaona tawhta arulâta bie reih beih leipa na ta, A vaw y daihti lia chhao ta ei y.” Tahmâ he Abeipa Zehôvâh ta na tuah ta, A Thlahpa ta eina tuah.

ISAI 49:1

Hy tilaipi kiah râhzy saih u, Na nathlie u la; Nâmo, lâhlapi liata phopizy saih u, Nama nah pachôh teh u. Abeipa ta chhi tawhta na aw ta, Ei nô py chhôh tawhta ei moh eina bi.

ISAI 50:8

Thai nâ pachâtuhpa cha a hniata ta, Ahy ma nâ dyuh ngâh aw? A duah khoh tua ei si. Nâ khakhaipa cha ahy maw? Nâ vaw hnia mawh sy.

HABAKU 2:20

Abeipa cha Achhyna o pathaihpa liata pahrâ ta, Leilô zydua a hmiakô liata a chalih mawh sy!”

ZEKARIA 2:13

Chyhsapa zydua saih u, Abeipa cha a pahrâna su pathaihpa tawhta kaw thyu ha ta, chavâta a hmiakô liata sidiapa ta y muh vy.