ISAI 40:7 - Mara Bible RV (BSI)

⁷ Abeipa hu ta a hmô ti ei ta, Sibiepazy cha uah ei ta, Pawpizy ama lo tyh; Chyhsapa la sibiepa tlai na ama vaw châ.

ISAI 40:7 ပူးပေါင်းရင်းမြစ်များ

ZAWBÂ 14:2

Pawpi hawhta vaw pawh ta, Thlai a uah heih tyh; Nohpahlipa hawhta a zaw ta, Y khao vei.

ZAWBÂ 4:9

Khazohpa hu ta leidia ei ta, A hiehâhna thlih ta a hmôsao ei.

ZAWBÂ 41:21

A hu ta meihei pa-ia ta, A pakah tawhta meipaleih a pua.

HLAZY 102:4

Ei palôh he sibiepa hawhta uah ta, Pati nie khohna chhao hnei khao va na.

HLAZY 103:15

Chyhsapa la, a hro chhôh nohzy sibiepa hawh dei châ ta, Râh pawpi hawhta kaw pawh ta,

HLAZY 103:16

Thlih ta hmô ta a lei tyh; A yna ta ano cha pahno khao vei.

HLAZY 90:5

Tisaih hawhta âmo cha phaoh pathlah chi ta, Ramâ hawhta lei ei ta, My sibie hrohpa hawh dei ama châ.

HLAZY 90:6

My ta hroh silipa ta kaw thyu ta, Zâlâ ta uah ta a raoh ha tyh.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 37:27

Chavâta a chhô liata a ypazy cha, Thatlôna hnei leipa ei ta; Riahchhiepa ta y ei ta, Ama maophyuh hapa kha. Lyu chicheipa hawhta châ ei ta, Si panyupa ama lyu; Vâphuh liata sibiepa hawhta, Ama lai hlâta ama uah haw.

ISAI 40:24

Lopa nata tupa châ ei ta, Alei liata thari ama thla pathaopa nahta, Âmo cha a hu ta hmô ta, Ama uah ha tyh; Chatanachata sâh sihpa hawhta, Chothyu ta a phaoh pathlah ha tyh ei.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

HÂKAI 1:9

“Kôvei pha awpa hnabeiseih ei chi ta, moh teh u, a chyhta dei nama hria. O lâ phaoh ei chi ta, châhrasala ei hmô pathlah khai haw. Khâpa vâta ma a châ? Pheisaihzy Abeipa ta a tah. Ei o vâta a châ. Nâmo nama o chyu nama sa hôlô nota, keima o deikua cha araopa ta khâ a y.

ZÂMIE 1:10

Hneirôhpa chhao, sibie paw hawhta a lo awpa châ ta, chavâta panawhpa a châ tita a ly mawh sy.

ZÂMIE 1:11

Noh vaw chhi ta, thata palo ta, sibiepa cha uah ta, a paw zô ta, â ngiana a lei tyh. Cha hawhna chata chyhsa hneirôhpa chhao, hneirôna a tluana lâpi liata a uah aw.