ISAI 40:5 - Mara Bible RV (BSI)

⁵ Chatawhcha Abeipa rônahna a vaw luah aw ta, Chyhsa zydua ta â raohpa ta ama hmô aw, Abeipa pakah ta a reih haw.”

ISAI 40:5 ပူးပေါင်းရင်းမြစ်များ

1 ABEIZY 14:11

Zerôbaw pathla khihpi liata a thipazy cha i ta chaih aw ei ta, lyurâhpa liata a thipazy cha vâ pavawzy ta ama dyh aw,” cha cha Abeipa ta a reih hawh,’ tah mah y.

HLAZY 102:16

Abeipa ta Zaio cha sa pathi aw ta, A rônahna chhaota â vaw luah heih aw.

HLAZY 102:17

Ato vâiapa thlahchhâna thei ta, Ama thlahchhâna dytha vei.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 96:6

A hmiakô liata rônahna nata abeina y ta, A supathaihpa liata thatlôna chhithaina a y.

HLAZY 97:6

Avâzy ta a siana phuah ei ta, Phopi to ta a rônahna ama hmô.

PUASAINA 16:7

my ta Abeipa rônahna nama hmô aw. Keimo he khâpa ma eima châ tly, eima chô liata nama paphôhpa he?” tah ei ta.

ISAI 1:20

Reingiah leipa ta einâ dyuh khiah ei chi ta deikua cha, Zaozi ta a cha nie aw ei, Abeipa pakah ta a reih haw,” tah ta.

ISAI 11:9

Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he Abeipa pahnona ta a bie khai aw.

ISAI 26:15

Nâ ta he phopi he papôhsa chi ta, Hy Abeipa, he phopi he na papôhsa haw; A râh râhrizy pakawh chi ta, Chavâta palyupalihpa ta na y.

ISAI 34:16

Abeipa châbu liata tlua u la, reih teh u: Chazy hry liata pô kha hmahta a ki leipa y leipa aw ta, Kaolâh a hnei leipa pô kha hmah y aw vei. Abeipa pakah ta biepie ha ta, A Thlahpa ta a pahmaoh ha ei.

ISAI 35:2

Râhchawhpa ta a paw pakai aw ta, Thaphapa nata hla sapa ta â ly aw. Lebanaw rônahna a hnohta piepa châ aw ta, Kâmel nata Saraw angiana chhao, A hnohta piepa a châ aw. Abeipa rônahna hmô aw ei ta, Eima Khazohpa angiana ama hmô aw.

ISAI 40:4

Saikao to pasâhpa châ aw ta, Tlâhpi nata tlâhthlôh to pahnaipa a châ aw. Alei byuhpazy paraihpa châ aw ta, Pâdawhpazy pabypa a châ aw.

ISAI 41:20

Chatanachata Abeipa ku ta chazy cha tao ta, Izarei Mo Pathaihpa ta a paysapa a châzie, Hmô aw ei ta ama pahno aw; Pachâ khoh aw ei ta, Ama no â vâh aw.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 58:14

Cha hawhta na tao khiahta cha, Abeipa liata a ly aw chi ta, Alei su sâhpa chô liata cha pakiasa aw na ta, Châ pathlatuhpa Zakaw ryu ta ei cha pasa aw. Abeipa pakah ta cha bie cha a reih haw.”

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

ISAI 60:1

Hy Zerusale, thyu la, khaih teh; Na khaihna vaw tlô ha ta, Abeipa rônahna na chô liata a vaw khaih haw.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ISAI 66:18

“Ama hmotaopazy nata ama pachâpazy ei pahno. Râh to nata reih to ei chhipakhy nawpa daihti a vaw tlô hai. A vy aw ei ta, ei rônahna ama hmô aw.

ISAI 66:23

“Ei hmiakô liata nâ chhy awpa ta, Thla thiehpa maihta chyhsa zydua a vy aw ei ta, Pahânoh maihta amâ vy aw,” Abeipa ta a tah.

ZEREMIAH 32:27

“Pachâ teh, kei Abeipa he hmohrohneipa zydua Khazohpa ei châ. Ei châta hmo a ru tupa a y ma?

ZEREMIAH 9:12

He hmo pahno thai awpa ta a so kawpa chyhsa cha ahy ma a châ tly? Phuah pachhuah awpa ta, ahy hnohta ma Abeipa pakah ta bie â chho tly? Khâpa vâta ma râh he rao khai ha ta, ahy hmahta chapia chahreih lei awpa râhchawhpa hawhta a y ha tly?

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

MIKÂ 4:4

Chyhsa to ama kre zôh ry liata a tyuh aw ei ta, Ama theiku kô ry chyu liata amâ tyuh aw; Ahy ta hmah pachisa khao aw veih ei, Pheisaihzy Abeipa pakah ta a reih haw.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

ZEKARIA 2:13

Chyhsapa zydua saih u, Abeipa cha a pahrâna su pathaihpa tawhta kaw thyu ha ta, chavâta a hmiakô liata sidiapa ta y muh vy.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

LUKA 3:6

Chyhsa zydua ta Khazohpa pachhana ama hmô aw,’” tahpa ta bie chho ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 12:41

A rônahzie hmô ta, a thâtih a chhopa vâta, cha biezy cha Isai ta a reipa a châ.

ZAWHÂNA 17:2

A hnohta na piepa zydua chhâzaw hrona pie awpa ta, ano cha chyhsa zydua chô liata biehneina na piepa a châ.

HMOTAOPAZY 2:17

“‘Noh chhâna nohzy liata cha, Hetana heta a vaw châ aw, Khazohpa ta a tah: Chyhsa zydua chô liata Ei Thlahpa hry aw na ta, Nama sawchapawzy nata nama sawchanôzy ta Hrohsona bie phuah aw ei ta, Nama thyutliazy ta aluahnazy hmô aw ei ta, Nama pawpipazy ta mâ lâta ama sa aw.

2 KAWRINI 3:18

Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.