ISAI 40:4 - Mara Bible RV (BSI)

⁴ Saikao to pasâhpa châ aw ta, Tlâhpi nata tlâhthlôh to pahnaipa a châ aw. Alei byuhpazy paraihpa châ aw ta, Pâdawhpazy pabypa a châ aw.

ISAI 40:4 ပူးပေါင်းရင်းမြစ်များ

BIESOZY 2:15

Ama lâpi a kokaliepazy châ ei ta, Chyhsa dôvei khohna hro a hneipazy ama châ.

ISAI 40:3

Ao vaw paro ta, hetana heta a tah: “Râhchawhpa liata Abeipa lâpi a chhuahdy u la, Râh raohpa liata eima Khazohpa châta Lâlai patlâpa tao teh u.

ISAI 40:5

Chatawhcha Abeipa rônahna a vaw luah aw ta, Chyhsa zydua ta â raohpa ta ama hmô aw, Abeipa pakah ta a reih haw.”

ISAI 42:11

Râhchawhpa nata a khihpizy ta ama ao papua ei sala, Kedâ mo pahrâna khihzy ta ama ao papua mawh ei sy; Selâ khihsawzy thaphapa ta hla sa ei sala, Tlâh lakizy tawhta awh mawh ei sy.

ISAI 45:2

Na hmia lâta sie aw na ta, Tlâh byuhpazy ei paraih aw; Dawh ochhizy pakeichheih aw na ta, Ochhi hraina thuatlaizy ei tai pachhô khai aw.

ISAI 49:11

“Ei tlâhpi zydua cha lâpi ta tao aw na ta, Ei lâlaizy pasâhpa a châ aw.

ISAI 62:10

Pua teh u, Thokhy chhikaozy tawhta pua u la, Izarei phopi châta lâpi a chhuahdy teh u. Lâlai pasâh u la, pasâh teh u; Lâlai liata alôzy thy u la, Phopizy châta ngiana poh chaluah teh u.

EZEKIA 17:24

Chatanachata lyurâh tho zydua ta kei, Abeipa he, thokô a sâhpa pahnaipa ta, thokô a hnaipa pasâh na ta; tho hrohpa paraohpa ta, tho raohpa a pahrotuhpa ei châ tahpa ama pahno aw. Kei, Abeipa ta reih ha na ta, ei tao aw.’”

EZEKIA 21:26

Abeipa Zehôvâh ta hetana heta a tah: A khutho hlai u la, a beilakho pahluh teh u. Hmozy ama ualuapa ta y khao aw veih ei. Anawhpazy cheihchalo u la, cheihchalopazy panawh teh u.

ZEKARIA 4:7

Hy tlâhpi laipa, khâ ma na châ hlei tly? Zerubâbe hmia liata la pahnaipa ta paby khaipa na châ aw. Alô pha chaipa vaw tlôkhei aw ta, ‘Â ngia tlai na, â ngia tlai na’ tahpa ta awh aw ei ta ama dy aw,” tah ta.

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 3:5

Saikao to pabiepa châ aw ta, Tlâhpi nata tlâhthlôh to pahnaipa a châ aw. Lâpi akopazy patlâpa châ aw ta, Lâpi chhiepazy pamihpa a châ aw.

1 SAMUELA 2:8

Dohlei tawhta dyhchhiepa pathyupa ta, Buchâh tawhta phahlapazy chalo ta; Beimachâzy hnohta âmo cha patyusa ta, Palyupalihna beidyuchhai a patosa ei. Alei tôhzy he Abeipa eih châ ta, Alei tôhzy chô liata khizaw he a padua.