ISAI 40:31 - Mara Bible RV (BSI)

³¹ Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

ISAI 40:31 ပူးပေါင်းရင်းမြစ်များ

ZAWBÂ 17:9

Mosiapa cha a lâpi khâchâ patu ta, Ku pathaihpa cha a thatlô rili tyh.

HLAZY 103:5

Hmo pha to ta na khopazy lôhrâ cha patlô ta, Na thyutliana pahmôhpi locho no hawhta a pathieh heih tyh.

HLAZY 123:2

Chakaotuhpazy mo ta ama zibeipa ku moh ta, Chakaotuhnô mo ta a zibeinô ku a mopa hawhta, Keima mo chhao Abeipa eima Khazohpa lâ moh ta, Zawh miah â ngiah hlâlei a moh tyh.

HLAZY 138:3

Ei cha pado noh ta, Nâ chhy chi ta, Ei hro tha na patlô tyh.

HLAZY 20:9

Hy Abeipa, abei he pachha la, Eima cha aw tita miah a chhy mah y.

HLAZY 25:21

Nâma châ hâpa ei châpa vâta, Adona nata ngâchhihna ta na pabohsa mawh sy.

HLAZY 25:3

Nâma châ hâtuhpazy cha, Maophyuhpa ta y leipa aw ei ta, Piehpie aohraohpazy deikua cha, Maophyuhpa ta ama y aw.

HLAZY 25:5

Na biehmeiseihpa liata nâ chhi la, Na pachu mah y; Ei pachhana Khazohpa châ chi ta, Noh y ta nâ ei cha hâ.

HLAZY 37:34

Abeipa cha hâ la, A lâpi a chhih mah y; Cha cheihchalopa ta, Râh ryu cha patosa aw ta, Moleipazy chhawh pathlahpa ama châ nota na hmô aw ei.

HLAZY 40:1

Abeipa cha hâ hualua na ta, Kei lâta a nah pachôh ta ei awna a thei.

HLAZY 84:7

Sie ei ta ama thatlô via rili ta, Zaio liata Khazohpa hnohta amâ luah hlâlei ama sie lymâ.

HLAZY 84:8

Hy Zehôvâh Khazohpa Atotaotheipa, Ei thlahchhâna he thei la; Hy Zakaw Khazohpa y, Nah vaw pachôh mah y! Selah

HLAZY 92:1

Abeipa lâta alyna bie reipa cha pha ta, Hy Chônôchaipa, na moh reithaipa ta sapa cha a pha na.

HLAZY 92:13

Âmo cha Abeipa o liata lopazy châ ei ta, Eima Khazohpa o dôhpachhôh tlyhmia liata lochopa ta ama y.

PUASAINA 19:4

‘Izi mo chô liata ei hmotaozie nata pahmôhpi mathlaw ta cha phaoh ei na ta, kei lâta ei châ chhipa ei kha nâmo tlai ta nama hmôpa kha a châ.

BIESOZY 30:19

Avâ liata pahmôh lâpi, Lôpanô chô liata parih lâpi, Tilaipi liah khophie liata balyh lâpi nata Chapaw ta laihsa a pangaina lâpi zy ei novâh thei vei.

HLAZY HLA 8:5

A lôhdupaw a vaw hnieh laihpa ta, Râhchawhpa tawhta â vypa hao ahy ma a châ tly? Epuh kô ry liata cha pahra na ta, Cha liata na nô cha na hnohta sawzeihpa ta y ta, Cha liata châ satuhpa cha sawzeihpa ta a y.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 41:1

Hy tilaipi kiah râhzy saih u, Ei hmiakô liata sidiapa ta y u la, Phopizy ta ama thatlôna pathieh mawh ei sy. Ryureina su lâ vaw puapa ta, Ama thâtih a vaw reih ei sala, Ryureina su liata a tyh suh vy.

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ZEREMIAH 48:15

Môabâ cha paraopa a châ haw; Pahleipadiatuhpazy ta a khihpizy khyhnao ei ta, A satlia pha chaipazy thiena su lâ ama zu haw,” Abeipa, a moh Pheisaihzy Abeipa ta a tah.

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

RAWMA 8:25

Eima hmô leipa eima hnabei a seih khiahta deikua cha, palôh pasi kawpa ta eima hâ lylia tyh.

2 KAWRINI 4:1

Cha chakaona cha Khazohpa zawngiahna vâta eima hnei theipa a châpa vâta, eima palôh chhâ vei.

2 KAWRINI 4:16

Chavâta eima palôh chhâ vei. Eima khôtho lâ chyhsapa he rao lymâ hra sala, eima chhôh lâ chyhsapa cha noh chareih pathiehpa ta a y lymâ.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

RYHPACHANEINA 32:11

Pahmôhpi ta a taw a pazawsa tita, A taw chô lâta heih laih ta, A mathlaw pakai khâhpa ta a tla awpa pakhâ ta, A tla awpa nota a mathlaw ta a phaopa hawhta,

RYHPACHANEINA 33:25

Na thokhy chhikao hrainazy cha, Thua nata dawh châ sala; Na hro chhôh zydua ta Thatlôpa ta y mah y.”

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

HEBRAI 12:3

Nama palôh thazei leipa ta, nama tha a chhâ lei nawpa ta, moleipazy ta amâ dyuhna vâta pasa a taopa Zisu thâtih pachâ tyh muh vy.

ZAWSUA 14:11

Chatanachôta Mawsi ta eina tua daihti hawhna khata tahmâ chhao ei tha y chy ta, chariah a dyuh awpa nata puaei awpa ta, eikhano ta tha ei hneipa hawhna khata tahmâ chhao ei hnei chy.

BIEPHUAH 12:14

Châhrasala chanô cha râhchawhpa liata a y nawpa su lâ â zaw thei nawpa ta, pahmôhpi lai ngaitapa mathlaw miano piepa châ ta, cha liata, parih ta a hmô thei khao leina liata kô thôh nata khophie chhôh pasapa a châ aw.

BIEPHUAH 2:3

Tao hualua chi ta, ei moh vâta pasa tao chi ta, châhrasala panao va chi tahpa chhao ei pahno.

BIEPHUAH 4:7

Hmohrohneipa miakhana cha chakeibarôhneipa hawhta châ ta, a mianona cha viahchaotaw hawhta châ ta, a miathôhna cha chyhsapa hmia phaoh ta, a miapalihna cha pahmôhpi a zaw ngâpa a lyu.

RYUREITUHPAZY 16:28

Sâsawna cha Abeipa pado ta, a hnohta, “Hy Beichaipa Khazohpa y, ngiachhiepa ta nâ thei la, Hy Khazohpa, ngiachhiepa ta ei khata he ei tha rie na patlô heih mah y, Philistinâ mo chô liata ei mo kârano phuh ei la thei nawpa ta,” tah ta.