ISAI 40:29 - Mara Bible RV (BSI)

²⁹ Panaopa hnohta hmotaotheina pie ta, Chiehleipa châta thatlôna a papôh tyh.

ISAI 40:29 ပူးပေါင်းရင်းမြစ်များ

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

NEHEMIAH 6:9

Ama zydua ta miah pachhiparypa ta miah pachisa a chhuah ei ta, “Ama bâh pathliah aw ei ta, raihria patlô thei aw veih ei,” tahpa ta ama pachâ. Chavâta Hy Khazohpa, tahmâ ei ku tha na patlô mah y.

HLAZY 29:11

Abeipa ta a phopi hnohta thatlôna pie sala, Abeipa ta a phopi hnohta thlalôhna byhnâ pie mawh sy!

HLAZY 68:10

Na sahlaozy cha liata pahrâ ei ta, Hy Khazohpa, na phana ta dyhchhiepazy na pasa ei.

HLAZY 68:35

Hy Khazohpa, na supathaihpa liata chizapa châ chi ta, A phopi hnohta hmotaotheina nata thatlôna a piepa, Izarei Khazohpa na châ. Khazohpa cha reithaipa ta y mawh sy!

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

2 KAWRINI 4:16

Chavâta eima palôh chhâ vei. Eima khôtho lâ chyhsapa he rao lymâ hra sala, eima chhôh lâ chyhsapa cha noh chareih pathiehpa ta a y lymâ.

RYHPACHANEINA 33:25

Na thokhy chhikao hrainazy cha, Thua nata dawh châ sala; Na hro chhôh zydua ta Thatlôpa ta y mah y.”

PHILIPI 4:13

Tha nâ patlôtuhpa Krista liata ato ei tao thei.

KAOLAOSÂ 1:11

Tiamana nata pasataona liata a ly kawpa ta nama tao thei nawpa ta, a thatlôna rônahpa liata hmotaotheina zydua hmâpa ta tha a cha patlô aw ei.

HEBRAI 11:34

Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.

RYUREITUHPAZY 15:19

Khazohpa ta Lehi liata khaohtlô a ypa cha pahy ta, ti vaw pua ta. Ti a do khai nahta, a palôh tha vaw tlô ta, tha thiehpa vaw hnei ha ta. Chavâta cha su moh cha Enhakôre tahpa a châ. Tahmâ taihta Lehi liata a y thlâh haw.

1 SAMUELA 2:4

Thatlôpazy libaw thlie ta, Chiehleipazy tha a patlô tyh.