ISAI 40:28 - Mara Bible RV (BSI)

²⁸ Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

ISAI 40:28 ပူးပေါင်းရင်းမြစ်များ

ÂTHAONA 21:33

Abarahâ ta Besebâ liana cha Tamâri tho loh ta, cha liata Abeipa, Chhâzaw Khazohpa moh pado ta.

ZAWBÂ 38:18

Alei kawhna zie na pahno thei ma? Cha zydua cha na pahno khai khiahta cha, na chho teh.

HLAZY 138:8

Abeipa ta ei châta â chhuahpa cha a patlô aw; Hy Abeipa, na kyhpachâna cha tlyzaw châta châ ta, Nâma ku tlai ta na taopazy he a heihsai khah y.

HLAZY 139:6

Cha tlu ta pahnona cha, Kei châta noâhchhihpa châ ta; A sâh tu ha ta, Ei pahnona ta a pha khao vei.

HLAZY 145:3

Abeipa cha rônah ta, Rônahpa ta reithai awpa a châ; A rônahzie cha, A laichadai khai thei rimâ awpa châ vei.

HLAZY 147:5

Eima Beipa cha rônah ta, Hmotaotheina lai ngaitapa a hnei; A novâhna thlie thei awpa châ vei.

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

ISAI 37:26

“Cha hmozy cha, Khahlâ tawhta ei vaw rao hapa a châzie Thei beih va chi ma? Thokhy khihpizy cha, Raona apachona khihpizy lâta na tao awpa kyh, Hlâno tawhta ei vaw pachhuah hapa cha, Tahmâ ei vaw patlôsa hih.

ISAI 40:21

Pahno beih veih ei chi ma? Thei beih veih ei chi ma? Âthaona tawhta cha chho ha veih ei ma? Leilô bô tua no tawhna khata nama novâh ha vei ma?

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 59:1

Pachâ teh u, Abeipa ku cha, Pachha thei lei awpa ta pachhohsapa châ leipa ta, A nah chhao thei thei lei awpa ta pâ vei.

ISAI 66:9

Nawh pina daihti taih a chhi ha tlôhpa ta, Saw pasasa leipa ta ei y aw ma?” Abeipa ta a tah. “Kei, saw a pasasa thei tuhpa heta Chhi ei khaw aw ma,” Na Khazohpa ta a tah.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

MÂKA 16:14

Cha khai tawhta, pahrawh hleikhazy tlâhkhai liata pati ama dôh hai nota, ama hnohta a luah heih ta. A thyuheih tawhta a hmôtuhpazy bie ama zo leipa vâta nata amâ ngiapâleina nata ama palôh kuhchhana vâta âmo cha ra ta.

MÂKA 9:19

Zisu ta âmo cha a chhy ta, “Hy ngiapâleipa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

LUKA 24:25

Zisu ta ama hnohta, “Hy ahrupa saih u! Hrohsopazy bie reipa zydua a ngiapâ nawpa kyh liata nainôsôpazy saih u!

ZAWHÂNA 14:9

Zisu ta a hnohta, “Phili, bohpi nama hnohta y na ta, na pahno to va chi ma? Ahy rai keima nâ hmôpa cha Paw a hmôpa a châ. Kheihtazieta, ‘Paw cha miah pahmô teh,’ na tah thlâh haw?

ZAWHÂNA 5:17

Zisu ta âmo cha a chhy ta, “Ei Paw cha tahmâ taihta rai hria lymâ ta, kei chhao ei hria lymâ hra,” tah ta.

HMOTAOPAZY 13:47

Cha hawhta tao awpa ta Abeipa ta, “‘Khizaw kaokih chhâna taihta Pachhana tlôkhei awpa ta, Zenitaizy châta khaihna ta ei cha tao aw,’ tahpa ta bie miah a pie,” tah ei ta.

RAWMA 16:26

Tahmâ deikua cha, bienyupa palâhâhpa ta a y haw. Chyhsazy ta a ngiapâ ei sala, a bie ama zyh thei nawpa ta, chhâzaw Khazohpa ta biepie ta, bienyupa cha hrohsopazy châbu hmâpa ta phopi zydua hnohta pahnosapa ta a y.

1 KAWRINI 2:16

“Ahy ma Abeipa palôh pahno ta, ano cha a pachu thei aw?” Keimo deikua la Krista palôh eima phaoh.

1 KAWRINI 6:16

“Ama pano ta pôhpa miakha ama vaw châ ha aw,” tahpa ta ropa hawhta, âzuahnô a pazaopa cha ano nata pôhpa miakha ama châ haw tahpa pahno veih ei chi mâ?

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

PHILIPI 1:6

Nâmo liata raihria phapa a pathaotuhpa khata, Zisu Krista noh liata a pangoh aw tahpa ei ngiapâ.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

1 SAMUELA 2:10

Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”