ISAI 40:26 - Mara Bible RV (BSI)

²⁶ Avâ lâ nama mo khaih u la moh tua u, Khizy khi ahy taopa ma a châ tly? Ano cha avâ liata a ypazy khi miakha miakha ta paysa ta, Ama moh chyu ta a awtuhpa a châ. A thatlôna rônahpa nata a hmotaotheina thatlôna vâta, Miakha hmah a ki leipa y veih ei.

ISAI 40:26 ပူးပေါင်းရင်းမြစ်များ

ÂTHAONA 1:14

Khazohpa ta, “Chhô nata zâ pachhaih nawpa ta, avâ ruapa liata khaihpazy vaw y sala, chazy cha ngianazy, daihtizy, nohzy, kôzy pahno nawpa châ ei sala,

ÂTHAONA 1:16

Khazohpa ta khaihpa lai ngaitapa miano tao ta. Khaihpa lai viapa cha chhô ryureih awpa ta tao ta, khaihpa chyh viapa cha, zâ ryureih awpa ta a tao. Awhsizy chhao a tao hra.

HLAZY 102:25

Leilô abôna he hlâno ta na vaw bô hapa châ ta, Avâzy khi na kuzô a châ.

HLAZY 119:91

Na raozie lymâ hawhta tanoh taihta a duah ei ta, Hmo to zydua nâma châ chakaotuhpa sai ama châ.

HLAZY 121:1

Tlâhzy lâna khita ei mo ei khaih aw; Khataih tawhta ma nâ bao awpa a vaw tlô aw tly?

HLAZY 19:1

Avâzy khita Khazohpa rônahna phuah ei ta, Vâruapa khita a kuzôthaina a palâsa.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

ISAI 34:16

Abeipa châbu liata tlua u la, reih teh u: Chazy hry liata pô kha hmahta a ki leipa y leipa aw ta, Kaolâh a hnei leipa pô kha hmah y aw vei. Abeipa pakah ta biepie ha ta, A Thlahpa ta a pahmaoh ha ei.

ISAI 42:5

Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 45:12

Alei he kei ta tao na ta, A chô liata chyhsapa ei paysa. Avâ a paraipa kha keima ku he châ ta, Vâ pheisaih zydua bie a pietuhpa chhao, Keima tlai he ei châ.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 48:12

Hy Zakaw, Na nathlie la; Hy ei awpa Izarei, Na nathlie teh! Kei he Ano cha ei châ; A hmiatuachaipa châ na ta, A hnôhchaipa ei châ.

ISAI 48:13

Ei ku ta leilô abôna lôbô bô ta, Ei ku chachâh lâta avâzy khi parai ta, Ei awpa nah ei ta thlai amâ duah tyh.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.