ISAI 40:22 - Mara Bible RV (BSI)

²² Ano cha alei vâphuh pahlôpa chô liata a tyuhpa châ ta, A mohmô liata cha, Lei liata a pahrâpazy cha khawsu hawh deita ama châ. Ano cha avâ khi pohraipa hawhta a pakaituhpa châ ta, Pahrâ nawpa poh o hawhta a paraituhpa a châ.

ISAI 40:22 ပူးပေါင်းရင်းမြစ်များ

ÂTHAONA 1:6

Chatawhcha Khazohpa ta, “Tizy likawh liata aruapa y sala, cha chata ti nata tizy pachhaih mawh sy” tah ta.

ZAWBÂ 22:14

A hmô lei nawpa ta meihdo chhapa ta pahli ta, Avâ chôkhu liata tlâ â hlaihlâpa khi,’ tah chi ta.

ZAWBÂ 26:7

Maw lâta avâ pakaisa ta, Aruapa liata alei a pahaisa.

ZAWBÂ 36:29

Ahy ma meihdozy a pasiezie a novâh ta, Ahy ma Khazohpa poh o tawhta tôkalôhpa a thuazie a pahno tly?

ZAWBÂ 37:18

Thua daipa thlalâ hawhta a châ karôpa avâ khi Ano hawhta na parai thei aw ma?

ZAWBÂ 9:8

Ano deita avâzy parai thei ta, Tilaipi chatlaopazy a tlybai theipa a châ.

HLAZY 104:2

Khaihna cha poh hawhta a bu chi ta, Avâzy khi poh o hawhta na parai.

HLAZY 18:11

Zohna cha ano chhiehruh awpa ta tao ta, A chheipâh zydua khu awpa ta taopa ta, Vâ meihdo zohpazy a tao.

HLAZY 19:4

Chatahrasala ama ao ta leilô zydua chahryh ta, Ama biezy khizaw kaokih taihta a pathâh. Noh châta avâzy liata poh o parai ta,

HLAZY 2:4

Vâ beidyuchhai liata a tyuhpa cha pahneih ta, Abeipa ta a pahneisao ei.

HLAZY 29:10

Abeipa cha tipaua chô liata bei ta a tyuh ta, Abeipa cha tlyzaw ta bei ta a tyuhpa a châ.

HLAZY 68:33

Avâzy chô a kiahpa lâta, Avâ hlôpazy chô a kiahpa lâ tlai ta, Reithaina hla sa muh vy. Moh teh u, a ao papua ha ta, A ao rônahpa a papua haw.

BIESOZY 8:27

Avâzy a padua nota y ha na ta, Ti athupa chô liata vâphuh a chhôh nota ei y haw.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

ISAI 37:16

“Hy Pheisaihzy Abeipa Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa cha na châ. Nâ ta alei nata avâ he na tao.

ISAI 40:15

Pachâ tua u, phopizy cha tibyh liata ti di kha hawh dei châ ei ta, Khopathliahna liata doh chyhta a baipa hawh dei pachâpa ama châ. Pachâ tua u, Abeipa cha liahpahlôzy chhao, Hmo chyhpata hawhta a chalo thlâh hapa a châ.

ISAI 40:17

Ano hmiakô liata la, Râh zydua he khâpa hmah a châ leipa hawhta châ ei ta, Ano pachâ ta la, Khâpa hmah a châ leipa hlâ chhao ta, Chyh viapa nata aruapa hawhta pachâpa ama châ.

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

ISAI 42:5

Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 51:13

Abeipa, nâma châ Taotuhpa cha my chi ta, Avâ paraipa ta alei abôna lôbôzy a bôtuhpa mypa ta, Parao châ chhuahpa tlybaituhpa hiehâna vâta Noh y ta chipa ta a y thlâh hapa chi cha, Ahy ma na châ tly? Tlybaituhpa hiehâhna cha khataih liata ma a y?

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

ZEREMIAH 10:12

A hmotaotheina ta alei tao ta, A sona ta khizaw padua ta, A novâhna ta avâ a parai.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

MALUHREINA 13:33

Cha liata Nephili mo pahreihpazy hmô pi ta, Anâki pathlazy cha Nephili tawhta a puapazy ama châ. Keimo cha khawsu hawh dei ta a hmô pi ta, âmo chhao ta khawsu hawh dei ta miah ama hmô hra,” tah ei ta.