ISAI 40:2 - Mara Bible RV (BSI)

² Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

ISAI 40:2 ပူးပေါင်းရင်းမြစ်များ

ÂTHAONA 34:3

Sekhe palôh cha Zakaw sawchanô Dinâ liata khâchâ y ta. Laihsa cha kyhpachâ kaw ta, reikah phapa ta bie a chho ta.

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

HLAZY 32:1

A paraona a ngiahthaipa ta y ta, A moleina khupa ta a ypa cha a nohlao na.

HLAZY 85:3

Na pathiiana zydua pachhâsa chi ta, Na hiehâhna ru ngaitapa nâ heihsai haw.

PUASAINA 22:3

Noh a chhi tawhta tusaopa a châ khiahta deikua cha, a thisaih maoh a y aw. Parutuhpa cha a hmo parupazy a thô awpa châ ta, khâpa hmah a hnei vei khiahta cha, a parupa thô nawpa ta ano zuah awpa a châ.

BIECHHOTUHPA 3:4

Cha daihti y ta, pahnei daihti a y; Mâchhiesa daihti y ta, lâ daihti a y;

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 14:3

Chatawhcha hetana heta a vaw châ aw. Nama pachârôhna, namâ tymâna nata rai ru ngaitapa ama cha pahriasapa zy tawhta apahâna Abeipa ta a cha pie ti ei ta,

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

ISAI 49:25

Abeipa ta hetana heta a tah: “Pasaipha seizy chhupa châ aw ei ta, Pahnietuhpa hraona sôhzy la pakhuapa a châ aw. Châ dyuhtuhpazy a dyuh aw ei na ta, Na sawzy ei pachha aw ei.

ISAI 51:17

Hy Zerusale, a hra la, Nâmasasyh ta a pahra la, a duah teh. Nâ, Abeipa ku tawhta a hiehâhna nyu doh chi ta, Biebuh chaopahrâ taihta dohpa ta, Paochheichhâna nyu a dohtuhpa y, A hra la, nâmasasyh ta a pahra mah y.

ISAI 53:5

Châhrasala ano cha, Eima moleinazy vâta hmah phaohpa ta y ta, Eima paraonazy vâta thi padôhpa ta a y; Eima thlalôh nawpa ta, Chhoreina a chô liata tlu ta, Ama chheina hreichheihpazy ta Patlâhpa ta eima y haw.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ISAI 54:15

Châ siehnaopa ama y khiahta cha, Kei ta ei tuapa châ veih ei; Châ siehnaopazy cha, Nâma vâta ama pao aw.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 6:7

Ei pakah na vaw hria ta, ei hnohta, “Moh teh, he heta na hmaozy hria ha ta, na thaileichâna siekheipa châ ta, na moleina a ngiahthaipa a châ haw,” tah ta.

ISAI 61:7

Nama nozana vyuhpa ta, Tovyuh a lie no ta to aw ei chi ta; Nohzaona vyuhpa ta, Ama tovyuh liata amâ ly aw. Chavâta ama râh liata tovyuh a lie no ta hnei aw ei ta, Chhâzaw lyna ama hnei aw.

ISAI 66:13

A nô ta thlah a palôhpa saw hawhta, Thlah cha palôh aw ei na ta, Zerusale liata thlah ei cha palôh aw ei.

ZEREMIAH 16:18

Ama khazoh nothlahpa pasichhihpa rizy ta ei râh papuapalei ei ta, ama pasichhihnazy ta ei ryuto râh ama pabiepa vâta, cha ama paraona nata ama moleina cha, a lie no ta ei thô tua chai aw ei,” Abeipa ta a tah.

ZEREMIAH 17:18

Na taolatuhpazy cha maophyuhpa ta y ei sala, Kei deikua cha maophyuhpa ta na paysa khah y. Âmo cha thlazohpa ta y ei sala, Kei deikua cha thlazohpa ta na paysa khah y; Ama chô liata chhiena noh patlôsa la, Raona a pathopa ta âmo cha parao mah y!

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 51:10

Abeipa ta thai miah pachâsa ha ta, A vy u la, Abeipa eima Khazohpa hmotaopa cha, Zaio liata phuah suh u.

CHAPHÔHTUNA 4:22

Hy Zaio sawchanô y, Na paraona vâta hriena cha a ki ha ta, Abeipa ta seichâna râh liata cha paysa khao aw vei; Hy Edômâ sawchanô y, Nâ deikua cha na paraona vâta Abeipa ta cha hrie aw ta, Na moleinazy a palâhâh khai aw.

EZEKIA 16:42

Cha hawhna chata na chô liata ei pathiiana cha papai aw na ta, ei hiatliana ta a cha puasai ha aw. A chalih ha bâ aw na ta, ei hie hâh khao aw vei.

DÂNIAH 11:35

Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

DÂNIAH 12:9

Ano ta, “Dâniah y, na sie nawpa lâpi liata sie thlâh ha mah y, biezy cha chhâna daihti taih châta khaw hapa nata baipâ hapa châ ha tlôh ta.

DÂNIAH 9:12

Chavâta chhiena ru ngaitapa eima chô liata patlôsapa ta, keimo chô liata nata miah a pachiatuhpa eima ryureituhpazy chô liata a bie reipazy a paki lymâ. Zerusale chô liata a taopa hawhpa he avâ ry zydua liata taopa ta y beih vei.

DÂNIAH 9:2

a ryureina kô khana liata, kei, Dâniah heta, Zerusale cha kô sysari chhôh roryhrapa ta a y awpazie, hrohsopa Zeremiah hnohta Abeipa bie a vaw tlôpa cha châbuzy tawhta vaw pahno na ta.

HÔSIA 2:14

“Chavâta, pachâ teh, ano cha sydiepa ta, Râhchawhpa lâ a chhi aw na ta, Ao naipa ta ei chho heih aw.

HÔSIA 2:16

“Cha noh liata cha, ‘Ei zibeipa’ na tah khao leipa aw chi ta, ‘Ei vahpa,’ ei na tah bâ aw chi,” Abeipa ta a tah.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

ZEPHANIA 3:15

Abeipa ta nâma hriena pachhâsa ha ta, Na chariahpazy a pasipathai ha ei. Abeipa, Izarei Beipa cha na hnohta y ta, Hmo pha leipa chi beih khao aw va chi.

ZEKARIA 1:13

Abeipa ta bie nâ chhotuhpa vâlyuhchâpa cha, bie pha kawpa nata thlalôh chhih kawpa ta a chhy ta.

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.

ZEKARIA 9:12

Hnabeiseihna a hneipa atâhpazy saih u, Nama thokhy lâ kua teh u; Tanoh tlai ta ei phuah, A lie no ta ei cha thô aw ei.

HMOTAOPAZY 1:7

Zisu ta ama hnohta, “Paw ta a daihti nata a noh kyh cha ano biehneina liata soh ta, nâmo pahno awpa châ vei.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

BIEPHUAH 18:6

Chyhsazy viari a thô tyhpa hawhta, Ano chhao viarithô u la, A hmotaopazy a lie no ta viarithô teh u; A do awpa pahlaona nyu cha, A lie no ta pahlaopa teh u.