ISAI 40:19 - Mara Bible RV (BSI)

¹⁹ Khazoh nothlahpa nata ma nama pakho aw? Thua daihtuhpa ta khazoh nothlahpa daih ta, Ngôh daihtuhpa ta ngôh ta pahu ta, Tâkâ bâliazy ta a tobipa nata ma nama pakho aw?

ISAI 40:19 ပူးပေါင်းရင်းမြစ်များ

HLAZY 135:15

Phopizy khazoh nothlahpazy cha tâkâ nata ngôh zy châ ei ta, Chyhsapa ku ta taopazy ama châ.

HLAZY 135:18

Nothlahpa a taotuhpazy cha, Nothlahpa hawhta châ ei ta; Nothlahpa a ngâtuhpa zydua chhao, Nothlahpa hawhta ama châ.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ZEREMIAH 10:9

Tâsi tawhta tâkâ daipa vaw phaoh ei ta, Upha tawhta ngôh ama vaw phao tyh. Chazy cha zôthaipa ta a taopazy châ ei ta, Ngôh daihtuhpa kuzôzy ama châ. Ama chysiazy cha anohpa nata nohsaihpa châ ei ta, Zôthaipa taopa sai ama châ.

DÂNIAH 5:4

Kresawhti cha doh ei ta, ngôh, tâkâ, dawh, thua, tho nata alô khazohzy reithai ei ta.

HÔSIA 8:6

Viahchaotaw cha Izarei ta a taopa châ ta, Syudaihpazy ta ama daipa a châ; Khazohpa châ vei. Samâri viahchaotaw cha, Pakeichheih khaipa a châ aw.

RYUREITUHPAZY 17:4

Mikâ ta tâkâ cha a nô a pie nahta, a nô ta tâkâ tlaw 200 la ta, tâkâ daihtuhpa pie ta, tâkâ daihtuhpa ta, cha tâkâ cha hmâpa ta nothlahpa khaipa nata nothlahpa leihpa tao ta. Chazy cha Mikâ o liata y ta.