ISAI 40:14 - Mara Bible RV (BSI)

¹⁴ Ahy ma Abeipa ta a saohiah tyh ta, Ahy ma Abeipa a pachu beih tly? Ahy he Abeipa cha adona lâpi pachu ta, Pahnona pachupa ta, Novâhna lâpi a pahmô beih tly?

ISAI 40:14 ပူးပေါင်းရင်းမြစ်များ

ÂTHAONA 1:2

Alei cha pizie hnei leipa ta aruapa ta y thlâh ha ta. Ti athupa chô cha zoh kaluh ha ta, Khazohpa Thlahpa ta ti chô zydua cha a vao thlâh ha ta.

ZAWBÂ 21:22

Khazohpa cha âsâhpa liata a ypazy pachiatuhpa châ ta, Ahy ma ano cha novâhna a pachu thei aw?

ZAWBÂ 36:23

Ahy ma a lâpi awpa raopa ta, Ahy ma, ‘Hmo do leipa na tao,’ a tah thei tly?

ZAWBÂ 38:4

“Leilô abôna ei bô no kha khataih liata na y? Na no â vâh khiahta la na chho tua.

HLAZY 119:35

Na biepiepapazy lâpi liata nâ chhi mah y, Cha cha ei lyna châ tlôh ta.

ISAI 41:28

Châhrasala moh nahta, Chyhsa rai y leipa ei ta; Hiahri ei na ta, Achhyna a pie theipa Ryhraokheituhpa ama hry liata y veih ei.

KAOLAOSÂ 2:3

Sona nata pahnona hneirôna zydua Krista liata nyupa a châ.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.