ISAI 4:5 - Mara Bible RV (BSI)

⁵ Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,

ISAI 4:5 ပူးပေါင်းရင်းမြစ်များ

NEHEMIAH 9:12

Nohchhô ta meihdo tôh ta âmo chhihtha chi ta, zâ ta ama siena lâpi pakhaih awpa ta mei tôh ta na chhihtha ei.

HLAZY 105:39

Abeipa ta Izarei sawzy khu awpa ta meihdo pazawhsa ta, Zâ ta khaih awpa ta mei a pie ei.

HLAZY 111:1

Abeipa cha reithai teh u! Adopa sahlaozy apakhyna liata, Ei palôh tlokhuh ta Abeipa lâ alyna bie ei hlâ aw.

HLAZY 78:14

Nohchhô ta meihdo ta âmo chhihtha ta, Zâ ta mei khaihpa ta a chhihtha ei.

HLAZY 85:9

Eima râh liata rônahna a pahrâ thei nawpa ta, A pachhana ta ano a chituhpazy â vaw hnia.

HLAZY 89:7

Ano cha mopathaihpazy pakhypi liata ama chi ngaitapa châ ta, A kiapâh liata a ypa zydua hlâta ama chiza chaipa Khazohpa a châ.

PUASAINA 14:24

Khih a vaw dei nahta, Abeipa ta Izi pheisaihzy cha mei tôh nata meihdo tôh tawhta za moh ta, Izi pheisaihzy cha tymâpa ta paysa ta.

PUASAINA 24:16

Abeipa rônahna ta Sinai Tlâh cha vaw khu ta, meihdo ta tlâh cha noh charu chhôh khu ta, a noh sarina noh ta Khazohpa ta meihdo hry tawhta Mawsi cha vaw aw ta.

PUASAINA 26:1

“Pohraipa miahrawh ta a chô khupa achhyna byureih na sa awpa a châ. Pohraipa cha pala rih dipa pabaohpa nata pala nohpa, saihdôhpa nata saihlawpazy ta taopa châ aw ta, zôthaipazy ta zô pha ngaitapa ta ama taopa cherubi nothlahpazy pachohsa awpa a châ.

PUASAINA 26:7

“Achhyna byureih chôkhu poh o châta mie hmi pohraipazy tao aw chi ta, pohraipa miahrawh hleikha na tao aw.

ISAI 32:18

Ei phopi cha, Thlalôhna râh liata pahrâ aw ei ta; Abohna su liata pahrâpa ta, Apahâna sidiapa zy liata ama pahrâ aw.

ISAI 33:20

Zaio cha moh tua u, Kyh eima chhi nawpa khihpi cha! Na mozy ta Zerusale khihpi cha a hmô aw. Cha khihpi cha nôpona y leina khihpi châ aw ta, Pasie thei leipa poh o a châ aw. A tôhzy phiapa châ beih leipa aw ta, Paraina ri kheihawhpa hmahta chhiepa châ aw vei.

ISAI 37:35

Keima vâta nata nâ chakaotuhpa Dâvi vâta, he khihpi he vaih aw na ta, ei pabohsa aw,” tah ta.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 60:1

Hy Zerusale, thyu la, khaih teh; Na khaihna vaw tlô ha ta, Abeipa rônahna na chô liata a vaw khaih haw.

ISAI 60:2

Pachâ teh, zohna ta alei he khu aw ta, Zoh kaluhna ta phopizy a khu aw. Nâma chô liata deikua cha, Abeipa noh vaw chhi aw ta, A rônahna na chô liata â lâ aw.

MATHAI 18:20

Pano tlyma, pathôh tlyma, ei moh ta amâ hmaohna maihta ama hry liata ei y tyh,” tah ta.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.