ISAI 4:4 - Mara Bible RV (BSI)

⁴ Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

ISAI 4:4 ပူးပေါင်းရင်းမြစ်များ

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

HLAZY HLA 3:11

Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 1:25

Na chô liata ei ku pathla aw na ta, Na saiiepa cha lôiah ta pasi aw na ta, Na thua chhiepa cha ei pathaisa aw.

ISAI 1:31

Thatlôpa cha meibu hawhta châ aw ta, A raihria meihlih hawhta a châ aw; A miano ta kâ khoh aw ta, A pachhai awpa y aw veih ei.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 28:6

Ryureina liata a tyuhpazy châta, Adona thlahpa châ aw ta; Thokhy chhikao liata chariah toh ta, A pakuasa awpazy châta thatlôna a châ aw.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ZEREMIAH 9:6

Tlybaina chô liata tlybaina hropa pacho thlu ei ta, Dôveina chô liata dôveina hropa ama pacho thlu; Kei na pahno khoh veih ei,” Abeipa ta a tah.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

EZEKIA 22:15

Phopizy hry liata cha hiezâhpa ta, râh to liata cha papai aw na ta, na pathaih leinazy ei pachhâsa aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

EZEKIA 36:29

Nama pathaih leina zydua tawhta ei cha pachha aw ei. Sâh cha pahneisapa ta kôvei papha aw na ta, nama chô liata chakâhna patlôsa aw va na.

ZÔELA 3:21

Ama thisaih phuh ei la mâh leipazy cha, Ama thisaih phuh ei la lymâ aw, Abeipa cha Zaio liata pahrâ tlôh ta.”

ZEPHANIA 3:1

Khihpi thuhnypa nata puapa, Tlybai a hmâhpa khihpi cha, A hu a po na!

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!