ISAI 39:2 - Mara Bible RV (BSI)

² Hezekia ta âmo cha a ly kawpa ta a vaw ly ta. A ryusôhpa sona o zydua pamosa ta. Tâkâzy, ngôhzy, ia-ôzy, sathaw sôhpazy nata a chariah chhaichhizy â kipa ta pamosapa ta, ryusôhpa sopakhyna ozy liata a ypazy pahmô khai ta. A o liata hmo a ypa nata a râh chhôh liata hmo a ypa zydua Hezekia ta âmo a pahmô leipa y vei.

ISAI 39:2 ပူးပေါင်းရင်းမြစ်များ

1 ABEIZY 10:10

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Sawlawmaw a piepa ia-ô tlu ta a hluhpa a ngia beih khao vei.

1 ABEIZY 10:15

Chazy cha sôdaohpazy, sôhpaliepazy, notla bei zydua nata râh ryureituhpazy ta râhpaw ama piepazy thota Sawlawmaw liata a ngiapa ngôhzy a châ.

1 ABEIZY 10:2

Zituhpa hluhpi nata ia-ôzy nata ngôh nata lôsôhpa hluhpi a phaohpa râraoseihpazy chhaota Zerusale lâ khy ta. Sawlawmaw kô a tlô nahta, a palôh liata a ypa zydua hiahri ta.

1 ABEIZY 10:25

A pangaipa maihta kuhriazy phaopa tyh ei ta, tâkâ nata ngôh hmobaohzy, chysiazy, myrâzy, ia-ôzy, arâzy, sabaituzy kô chareih ta ama vaw phaopa tyh.

2 ABEIZY 20:13

Hezekia ta âmo cha a vaw ly ta, a ryusôhpa sona o zydua pamosa ta. Tâkâzy, ngôhzy, ia-ôzy, sathaw sôhpazy nata a chariah chhaichhizy â kipa ta pamosapa ta, ryusôhpa sopakhyna ozy liata a ypa zydua pahmô khai ta. A o liata a hmo a ypa nata a râh chhôh liata hmo a ypazy Hezekia ta âmo a pahmô leipa y vei.

2 THÂTIHZYRONA 32:25

Châhrasala Hezekia cha palôh laipa ta y ta, ano châta hmo phapa taopa cha phana ta pie palie leipa ta. Chavâta ano nata Zudâh nata Zerusale chô liata pathiiana vaw tlô ta.

2 THÂTIHZYRONA 32:27

Hezekia cha thata vaw hneirôh ta, thata palyupalihpa ta y ta. Tâkâzy, ngôhzy, lôsôhpazy, ia-ôzy, vyhphaozy nata hmobaoh mâ ru ngaitapa sona ozy sa ta.

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

2 THÂTIHZYRONA 9:1

Sawlawmaw moh pathâhnazie Sebâ beinô ta a thei nahta, Sawlawmaw cha bie khiakhi ngaitapazy ta pasia awpa ta Zerusale lâ a khy ta. Zituhpa hluhpi nata ia-ôzy nata ngôh nata lôsôhpa hluhpi phaoh ta, râraoseihpazy chhaota khy ta. Sawlawmaw kô a tlô nahta, a palôh liata bie a ypa zydua chho ta.

2 THÂTIHZYRONA 9:9

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Bei Sawlawmaw a piepa ia-ô tlu ta a hluhpa y beih vei.

ZAWBÂ 31:25

Ei hneirôh kawpa vâta a lypa ta, Ei ku ta hmo hluhpi a hmôpa vâta a ly kaw aw sah la;

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

BIECHHOTUHPA 7:20

Alei chô liana heta chyhsa siapa, A molei beih leipa pakha hmah y veih ei.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

2 KAWRINI 12:7

Aluahna rônah ngaitapa ei hmôpazy vâta ei palai tu pathlei lei nawpa ta, ei pôhpa liata ahloh piepa ei châ. Cha ahloh cha, ei palai tu pathlei lei nawpa ta, ei pôhpa liata pasana na pie awpa ta Sâtâ lyuhchâpa a châ.

1 ZAWHÂNA 1:8

Moleina hnei ma pi eima tah khiahta cha, keimosasyh ta eimâ dô, biehmeiseihpa keimo liata y vei.