ISAI 39:1 - Mara Bible RV (BSI)

¹ Cha daihti liata, Bâladâ sawchapawpa Babylaw bei Merôdâ Bâladâ ta Hezekia tlâhleipa thâtih vaw thei ta. Hezekia lâta vyuhtuapazy tuah ta, châ nata kuhria zy paphao ta.

ISAI 39:1 ပူးပေါင်းရင်းမြစ်များ

2 SAMUELA 10:2

Dâvi ta, “Nahâsâ sawchapawpa Hânu cha, a paw ta ei chô liata phana a palâsa tyhpa hawhta, kei chhao ta a chô liata phana ei palâsa hra aw,” tah ta. Chatanachata a paw thina kyh liata thlapalôh awpa ta, Dâvi ta Hânu lâ a chakaotuhpazy tuah ta. Dâvi chakaotuhpazy cha Amawna râh kei tlô ei ta.

2 SAMUELA 8:10

Dâvi ta Hadâdeze a dyuh ta a pahnie hapa vâta, a hnatlâna kyh hiahri awpa nata byhnâ awpa awpa ta, a sawchapawpa Zôrâ cha ano lâ tuah ta. Hadâdeze he Tôi a vaw dyuh ngâ thlâh ha tyhpa a châ. Zôrâ cha tâkâ, ngôh nata dawh hmobaohzy vaw phaoh ta.

2 THÂTIHZYRONA 32:23

Chyhsa hluhpi ta Abeipa châta Zerusale lâ hmopiepazy vaw cheih ei ta, Zudâh bei Hezekia châta hmo sôhpazy vaw cheih hra ei ta, cha daihti tawhta cha, phopi zydua mohmô liata cheihchalopa ta a y haw.

2 THÂTIHZYRONA 32:25

Châhrasala Hezekia cha palôh laipa ta y ta, ano châta hmo phapa taopa cha phana ta pie palie leipa ta. Chavâta ano nata Zudâh nata Zerusale chô liata pathiiana vaw tlô ta.

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

ISAI 13:1

He bie he Amôza sawchapawpa Isai ta Babylaw kyh liata aluahna a hmôpa a châ.

ISAI 13:19

“Khazohpa ta a parao ti ei ta cha, Khinarâhzy lôsôhpa Babylaw cha, Sawdawmâ nata Kawmawrâ hawh ta châ aw ta; Kaldia mo rônahna nata apalaina chhao, Sawdawmâ nata Kawmawrâ hawhta a châ aw.

ISAI 14:4

Babylaw bei hnohta hetana heta pasipasawhna bie nama rei thlu aw: “Tlybaituhpa cha a chalih ta, A nôchhiena a dia ha dia!

ISAI 23:13

Moh tua u, Kaldia mo râh hih! Phopi a lei hapa râh châ ta, Asuria ta râhsazy pahrâ nawpa ta a tao haw. Khihpi dôhna o sâhpazy padua thlupa ta, thokhyzy parao ei ta, khih rypa ta ama tao haw.