ISAI 38:8 - Mara Bible RV (BSI)

⁸ Moh teh, Ahâza Sanâh liata zâlâ nohpahlipa hao keih hrawh ei pakuasa aw,’ a tah,” tah ta. Chatanachata Ahâza Sanâh liata nohpahlipa cha keih hrawh kua ha ta.

ISAI 38:8 ပူးပေါင်းရင်းမြစ်များ

2 THÂTIHZYRONA 32:24

Cha daihtizy liata, Hezekia cha thi daihmâpa ta pasa ta. Abeipa lâ thlahchhâ ta, Abeipa ta a chhy ta, ngiana pie ta.

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

ISAI 38:9

He he Zudâh bei Hezekia ta a pasana tawhta a tlâhna hla a phipa a châ:

ISAI 7:11

“Abeipa na Khazohpa tawhta ngiana hiah teh. Cha ngiana cha Athihkhih hawhta athupa tlyma, vârâh hawhta a sâhpa tlyma châ mawh sy,” tah heih ta.

MATHAI 16:1

Phârisaihzy nata Saduasizy a vy ei ta, ano pasia nawpa ta vârâh tawhta ngiana pahmôsa awpa ta hiah ei ta.

RYUREITUHPAZY 6:17

Kidia ta a hnohta, “Tahmâ he na modypa ei châ khiahta cha, bie nâ chhotuhpa he nâma tlai na châ hmeiseih tahpa ngiana na pie teh.