ISAI 38:5 - Mara Bible RV (BSI)

⁵ “Vawh la, Hezekia hnohta, Abeipa châ pathlatuhpa Dâvi Khazohpa ta hetana heta a tah: ‘Na thlahchhâna thei na ta, na mothlihzy ei hmô haw. Nathlie teh, kô hrawh hleipangawh ta na hro ei pasisa aw.

ISAI 38:5 ပူးပေါင်းရင်းမြစ်များ

1 ABEIZY 15:4

Chatahrasala Dâvi vâta Abeipa a Khazohpa ta Zerusale liata meiôh pie ta, ano a pazi awpa sawchapaw paduapa ta, Zerusale cha â ipa ta a paduapa a châ.

1 ABEIZY 8:25

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei lâpi amâ chhih lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

2 ABEIZY 18:13

Bei Hezekia kô hrawh hleipalih â bei kô ta, Asuria bei Senâkeri ta Zudâh râh liata thokhy hneipa khihpi zydua khyhnao ta, la khai ha ta.

2 ABEIZY 18:2

Kô kih nata kô pangawhpa a châ nota a bei pathao ta, Zerusale liata kô kih nata kô chaki â bei. A nô moh cha Abi châ ta, Zekaria sawchanô a châ.

2 ABEIZY 19:20

Chatawhcha Amôza sawchapawpa Isai ta Hezekia lâ lyuhchâpa tuah ta, a hnohta, “Abeipa, Izarei Khazohpa ta hetana heta a tah: ‘Asuria bei Senâkeri kyh liata kei lâta thlah na chhâpa kha ei thei haw.’

2 THÂTIHZYRONA 34:3

Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

ZAWBÂ 14:5

A nohzy rao chiehpa châ ta, A thlazy na hnohta y ta, A khô thei lei awpa râhri na tao ha tawhta cha,

HLAZY 116:15

A mopathaihpazy thina cha, Abeipa pachâ a sôh ngaita.

HLAZY 147:3

Palôh keichheihpazy patlâh ta, Ama hmahzy a chahrypa ei.

HLAZY 39:12

“Hy Abeipa, ei thlahchhâna theipa ta, Ei awhna lâ he nah vaw pachôh la, Ei mothlihzy he a chalihsai khah y! Na hnohta khitlyhpa châ na ta, Nâ pathlatuhpazy hawhna khata, Khichhaipa dei ei châ hih.

HLAZY 56:8

Ei viavinazy ngiapa ta, Ei mothlihzy na chhiehraôh liata ryh chi ta, Na châbu liata ropa a châ.

HLAZY 6:9

Abeipa ta ei hiana thei ha ta, Abeipa ta ei thlahchhâna â pyh haw.

BIECHHOTUHPA 3:3

Thie daihti y ta, patlâh daihti a y; Phie daihti y ta, sa daihti a y;

ISAI 37:21

Chatawhcha Amôza sawcha­pawpa Isai ta Hezekia lâ lyuhchâpa tuah ta, a hnohta, “Abeipa, Izarei Khazohpa ta hetana heta a tah: Asuria bei Senâkeri kyh liata kei lâta thlah na chhâpa vâta,

ISAI 38:4

Chatawhcha Abeipa bie Isai hnohta vaw tlô ta,

CHAPHÔHTUNA 3:56

Ei ao thei chi ta, Baona hiapa ta ei awna liata na nah rie a chahu khah y;

MATHAI 22:32

‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta a reipa kha reih beih veih ei chi ma? Khazohpa cha athipa Khazohpa châ vei, ahrohpa Khazohpa a châ,” tah ta.

LUKA 1:13

Châhrasala vâlyuhchâpa ta a hnohta, “Zekaria, chi khah y, na thlahchhâna kha theipa a châ haw. Na lapinô Elizabe ta sawchapawpa sa aw ta, a moh Zawhâna na bi aw.

HMOTAOPAZY 27:24

ei hnohta, ‘Pawla, chi khah y, Kaisarâ hmiakô liata nâ duah awpa a châ. Moh teh, na hnohta balyh liata a siepa zydua chhao kha, Khazohpa ta a cha pie,’ eina tah.

2 KAWRINI 7:6

Châhrasala palôh rietheipazy thlapalôhtuhpa Khazohpa ta Titu vaw tuah ta, thlah miah a palôh haw.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.