ISAI 38:17 - Mara Bible RV (BSI)

¹⁷ Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 38:17 ပူးပေါင်းရင်းမြစ်များ

ZAWBÂ 29:18

‘Ei bu liata thi aw na ta, Ei nohzy sadi zie ta ei papôh aw;

ZAWBÂ 33:24

Khazohpa ta chyhsapa cha zawh a ngiahpa ta, Vâlyuhchâpa hnohta, ‘Khaohtlô lâ a zu awpa tawhta chyhsapa kha pachha mah y, A chatlai nawpa ei hmô haw;

HLAZY 10:2

Moleipazy ta a khotlâh kawpa ta dyhchhiepazy chadai ei ta, Âmo khoheih chôpa liata âmosasyh a pa-ao mawh ei sy.

HLAZY 103:12

Nochhi nata notla â hlapa tlu ta, Eima paraonazy cha keimo tawhta lâhlapi lâta a pasie haw.

HLAZY 103:3

Ano cha na paraona zydua a ngiathaituhpa châ ta, Na pasana zydua patlâhtuhpa a châ.

HLAZY 103:4

Khaohtlô tawhta na hrona a chatlaituhpa châ ta, Kyhpachâna tleih beih leipa lakho cha pakho ta, Zawngiahna lakho châ pakhotuhpa a châ.

HLAZY 30:3

Hy Abeipa, Athihkhih tawhta ei thlahpa thaoh papua chi ta, Khaohtlô lâ a zupazy tawhta ei hrona na pahro heih.

HLAZY 40:2

Leidiana khaohtlô tawhta na thaoh ta, Chiatlao kiapa tawhta na thaopa ta, Ei pheizy lôpanô chô liata soh ta, Ei lâsie a pabohsa.

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

HLAZY 85:2

Na phopi paraona a ngiahthai chi ta, Ama moleina zydua na khu khai. Selah

HLAZY 86:13

Kyh eina pachâna chi he rônah ta, Athihkhih ry chaipa tawhta ei hro na pachha haw.

ISAI 38:15

Khâpa ma ei reih khao aw? Abeipa ta ei hnohta bie reih ha ta, Ano tlai ta a tao ha he zaw. Ei hro vâsâhnazy vâna heta, Ei hro chhôh kô zydua cha, A chado kawpa ta ei hmâh bâ aw.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZAWNA 2:6

Tlâhpizy thaby lâ zu na ta, Alei ta leitlâhzy hmâpa ta, Chhâzaw ta eina hraikhôh haw; Chatanachôta Hy Abeipa ei Khazohpa, Ei hrona cha khaohtlô tawhta na thaoh haw.

ZAWNA 2:7

Ei hrona a chhâ hai no ta, Abeipa cha a thei na ta, Ei thlahchhâna nâ lâ vaw tlô ta, Na Achhyna o pathaihpa lâ a vaw tlô.