ISAI 38:16 - Mara Bible RV (BSI)

¹⁶ Hy Abeipa, cha hawhta taopa vâta, Chyhsazy hroh tyh ei ta, Ei thlahpa chhao, Chazy liana chata hrona a hmô. Na patlâh la, Hrona na pie mah y.

ISAI 38:16 ပူးပေါင်းရင်းမြစ်များ

HLAZY 119:25

Ei hro he dohlei liata khâchâ a bai ha ta, Na bie hawhta na pahro heih mah y!

HLAZY 119:71

Na bieraopazy ei chu thei nawpa ta, Riepatheipa ta ei vaw ypa kha kei châta a pha na.

HLAZY 119:75

Hy Abeipa, na pachianazy â do tahpa pahno na ta, Pasa eina pataosapa chhao chi he â dopa a châ.

HLAZY 30:3

Hy Abeipa, Athihkhih tawhta ei thlahpa thaoh papua chi ta, Khaohtlô lâ a zupazy tawhta ei hrona na pahro heih.

HLAZY 39:13

Sie aw na ta hmô khao leipa ta ei y hlâta, Buakha chhâ ei ly heih thei nawpa ta, Hmô lei nâ pachâ chy mah y!”

HLAZY 71:20

Nôpona nata chhiena hluhpi nâ pahmôsatuhpa nâma tlai chata, Na pahro heih aw chi ta, Alei athupa tawhta eina thaoh heih aw chi.

ISAI 64:5

Nâ cha siana a taotuhpazy A ly kawpa ta a tyh tyhpa châ chi ta, Nâ lâpi a thei thlâh hapazy a tyh tyhpa na châ. Pachâ tua, eima moleina vâta na hiehâh ta, Keimo hra cha eima moleina liata bohpi y pi ta, Kheihta ma pachhapa ta eima y thei rai aw tly?

MATHAI 4:4

Zisu ta a chhy ta, “‘Chyhsapa he viahchhâ dei ta hroh aw vei, Khazohpa pakah tawhta bie to a puapa ta tlao a hroh aw,’ Tahpa ta ropa a châ,” tah ta.

1 KAWRINI 11:32

Abeipa ta thailei miah a pachâsa nahta deikua cha, chhoreipa ta eima y tyh. Chatanachata khizaw thailei a pachâsa tita, thailei pachâsapa ta y aw ma pi.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

RYHPACHANEINA 8:3

Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.

HEBRAI 12:9

Cha dei châ vei, lei liata miah chhoreituhpa pawzy hnei pi ta, âmo cha eima za ngaita. Eima hroh thei nawpa ta, eima thlahpazy Paw cha, cha hlâta tha via ta eima za awpa châ vei ma?