ISAI 38:15 - Mara Bible RV (BSI)

¹⁵ Khâpa ma ei reih khao aw? Abeipa ta ei hnohta bie reih ha ta, Ano tlai ta a tao ha he zaw. Ei hro vâsâhnazy vâna heta, Ei hro chhôh kô zydua cha, A chado kawpa ta ei hmâh bâ aw.

ISAI 38:15 ပူးပေါင်းရင်းမြစ်များ

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

2 ABEIZY 4:27

Khazohpa chyhsa yna tlâh a tlô nahta, a phei patu ta. Kehâzi a vy ta, chanô cha parai awpa a chhuah ta. Châhrasala Khazohpa chyhsa ta, “Kheihta hmah tah khah y, a nô a po ngaita hih. Abeipa ta kei tawhta nyu chy ta, na chho mâh vei,” tah ta.

EZRÂ 9:10

“Hy eima Khazohpa, khâpa eima reih khao aw? Na biepiepazy a heihsai pi ta,

ZAWBÂ 10:1

“Ei hro he eina ai ngaita; Thata paphôh aw na ta, Ei palôh pasana ei reih tua aw.

ZAWBÂ 21:25

Chyhsa hropa deikua cha hro pachârôhpa ta thi ta, Phana rai padi beih leipa ta a thi haw.

ZAWBÂ 7:11

“Chavâta ei pakah he pakhâ aw va na; Ei thlahpa pachârôhpa ta bie reih aw na ta, Palôh pasapa ta ei paphôh aw.

HLAZY 116:1

Ei ao thei ta, zawngiahna ei hiapa a theipa vâta, Abeipa kyh ei pachâ.

BIESOZY 31:6

Leidia haipazy hnohta sahma pie u la, Palôh pasapazy hnohta kresawhti pie teh u.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

ZAWSUA 7:8

Hy Abeipa, rei theipa khâpa ei hnei khao? Izarei cha a chariahpazy ta ama pahnie ha he zaw!

1 SAMUELA 1:10

Hânâ cha a palôh pasa ngaita ta, Abeipa lâta thlahchhâ ta, thata cha ta.