ISAI 37:33 - Mara Bible RV (BSI)

³³ “Chavâta Abeipa ta Asuria bei kyh liata hetana heta a tah: ‘He khihpi he vaw tlô leipa aw ta, he liata châtai tai kha chhao ka aw vei. Vyhphao chhaota khihpi hmiakô liata a vy leipa aw ta, khihpi dôhna alei chhao thokhy liata pathlu thlu aw vei.

ISAI 37:33 ပူးပေါင်းရင်းမြစ်များ

ISAI 17:12

Tilaipi a chatlaopa hawhta a chatlaopa Phopi hluhpizy cha ama hu a po na! Tisaih a aohpa hawhta a aohpa Râhzy cha ama hu a po na!

ISAI 17:14

Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

ISAI 33:20

Zaio cha moh tua u, Kyh eima chhi nawpa khihpi cha! Na mozy ta Zerusale khihpi cha a hmô aw. Cha khihpi cha nôpona y leina khihpi châ aw ta, Pasie thei leipa poh o a châ aw. A tôhzy phiapa châ beih leipa aw ta, Paraina ri kheihawhpa hmahta chhiepa châ aw vei.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 6:6

Pheisaihzy Abeipa ta hetana heta a tah: “Zerusale thozy thlu u la, Khihpi dôh awpa ta, A thokhyzy alei pacho thlu teh u. Tlybaina ta a biepa khihpi châ ta, Hrie tlâhpa khihpi a châ.

EZEKIA 21:22

Zerusale châta pachaona cha a chachâh lâta vaw tlô ta, thokhy paraona tao awpa zy, thie awpa ta biepie awpa zy, adyuhna hladyuh pathluah awpa zy, thokhy chhikao paraona tao awpa zy, thokhy parao nawpa ta alei pathlu thlupa ta, khihpi dôhna diahsua chhôh awpa kyh zy a vaw tlô.

RYHPACHANEINA 20:20

A thei niepa chi châ vei tahpa nama pahnopa thozy deita paraopa ta thlu aw chi ta, nama chariahpa khihpi cha lapa a châ hlâlei khihpi dôh nawpa châta nama hmâh thei aw.