ISAI 37:24 - Mara Bible RV (BSI)

²⁴ Châ chakaotuhpazy hmâpa ta Abeipa pasipasawh chi ta, ‘Ei talailih hluhpi chhaota tlâh sâhpazy kiah na ta, Lebanaw chhâna taihta ei kiah haw; A sidy tho a sâh chaipazy thlu na ta, A meisah tho pha chaipazy ei thlu haw; A tlâh sâh chaipa tlô ha na ta, A râhmâhpa pha chaipa ei ngia haw.

ISAI 37:24 ပူးပေါင်းရင်းမြစ်များ

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

PUASAINA 15:9

Chariahpa ta, ‘A chadai aw na ta, ei pha aw, Hraona sôh rai aw na ta, Âmo vâta lôhrâtlôpa ta ei y aw; Ei zaozi phia aw na ta, Ei ku ta âmo cha a pahleipadia aw,’ tah ta.

ISAI 10:18

A râhmâhpa rônahna nata a kôvei phana râh zy cha, Abeipa ta tlokhuh pahleipadia khai aw ta, Tlâhleipa panao ta a chhâ laihpa hawhta a châ aw.

ISAI 10:33

Moh teh u, Pheisaihzy Abeipa Zehôvâh ta, Hmotaotheina rarôh y ngaitapa ta a chiahzy chhawh pathlah aw ta, Â sâh ngaitapazy cha thlupa châ aw ta, A seih patluapazy chhao pahnaipa a châ aw.

ISAI 10:34

Râhmâhpa tho chha kaluhpazy cha ahrei ta thlu aw ta, Lebanaw cha Bei Thatlôpa hmiakô liata a pao aw.

ISAI 14:8

Meisah nata Lebanaw sidy thozy ta Ama palôh châ eih ei ta, ‘Panawhpa ta na y rakha tawhta cha, Tho thlutuhpazy ta miah siehnao khao veih ei,’ ama tah.

ISAI 29:17

Bohpi leipa ta Lebanaw cha, Lei phapa lyu ta pachâsapa châ aw ta; Lei phapa lyu cha, Râhmâhpa ta pachâ­pa a châ aw?

ISAI 36:9

Talailih nata arâ pheisaih zy kyh liata Izi nâ ngâchhâ chhôh zydua cha, kheihta ma ei zibeipa chakaotuhpa chyh chaipazy hry liata pheisaih hyutuhpa pakha chhao he na pakhâ thei aw?

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ZEREMIAH 22:6

Abeipa ta Zudâh bei pathlazy kyh liata hetana heta a tah: “‘Ei châta Kilia hawhta châ chi ta, Lebanaw tlâh laki hawhta na châ; Chatahrasala râhchawhpa ta cha tao aw na ta, Khihpi rypa ta ei cha tao aw.

ZEREMIAH 22:7

Châ parao awpazy pachhuahpanoh aw ei na ta, Ama chariah chhaichhi a chaba chyupa ta, Na sidy tho pha chaipazy thlu aw ei ta, Mei liata ama ti aw.

ZEREMIAH 46:8

Nile chavah hawhta a laipa cha Izi châ ta, Chavah ti laipa hawhta â chatlaopa cha ano a châ. Izi ta, ‘Lai aw na ta, Alei ei vao aw; Khihpizy nata ama khihsawzy Ei pahleipadia aw ei,’ a tah.

EZEKIA 21:2

“Chyhsa sawchapawpa y, Zerusale lâ hmiachhypa ta, supathaihpazy hnohta bie chho la, Izarei râh chô liata hrohsona bie phuah mah y.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.