ISAI 37:23 - Mara Bible RV (BSI)

²³ “Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ISAI 37:23 ပူးပေါင်းရင်းမြစ်များ

2 ABEIZY 19:22

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

2 ABEIZY 19:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake bie zydua kha, Abeipa na Khazohpa ta thei ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta.

2 THÂTIHZYRONA 32:17

Senâkeri ta Abeipa, Izarei Khazohpa pasipasawhna nata reipachhiena châ roh ta, “Khizaw phopizy khazohzy ta ei ku tawhta ama phopizy ama pachha thei tlâ leipa hawhta, Hezekia Khazohpa chhao ta, ei ku tawhta a phopi pachha thei aw vei,” tah ta.

HLAZY 44:16

Pasipasawhtuhpa nata reipachhietuhpa pyu vâta, Chariahpa nata phuh latuhpa vâta, Cha hawhta a ypa ei châ.

HLAZY 73:9

Ama pakah ta avâzy taih reipachhie ta, Ama paleih ta alei zydua a chahryh.

HLAZY 74:10

Hy Khazohpa, khati taih ma khakhaipa ta a cha pahneisao aw? Chariahpa ta chhâzaw ta na moh a reipachhie aw ma?

HLAZY 74:18

Hy Abeipa, he he a thei mah y; Chariahpa ta cha pahneisao ta, Phopi hrupa ta na moh a reipachhie.

HLAZY 74:23

Na khakhaipazy palopasahpa my leipa la, Châ thyuhnaopazy achiaburâhna paru via lymâpa chhao my khah y!

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 5:2

Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

PUASAINA 9:17

Chatanachôta ei phopi chô liata nâmasasyh a cheihchalo chi ta, âmo cha pasiesa khoh va chi.

BIESOZY 30:13

Ama mo a sâh kawpazy chhao y ei ta, Ama mo vozy â sâh lâ sai ta a sai tyh.

ISAI 10:12

Chatawhcha hetana heta a vaw châ aw. Abeipa ta Zaio Tlâh nata Zeru­sale chô liata a raihria zydua a paloh tita, Asuria bei cha a palôh laina bie nata a mo â pasâhsana vâta a hrie aw.

ISAI 10:17

Izarei khaihna cha mei châ aw ta, A Mo Pathaihpa cha mei palei a châ aw; Chatanachata a diahsai nata ahlohzy cha, Noh kha ta a kâ patlô khai aw.

ISAI 10:20

Cha noh liata, Izarei laibâhpazy nata Zakaw pathla a hrohpazy cha, âmo a thietuhpa liata a pahnieh khao leipa aw ei ta, Abeipa Izarei Mo Pathaihpa liata tlao a pahnieh aw ei ta, biehmeiseihpa liata amâ pahnie bâ aw.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 17:7

Cha noh liata, chyhsa ta ano a Taotuhpa lâ moh aw ta, a mo ta Izarei Mo Pathaihpa cha a hmô aw.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 43:14

Abeipa, nâmo châ Chatlaituhpa ta hetana heta tah ta, Izarei Mo Pathaihpa ta hetana heta a tah: “Nâmo vâta Babylaw lâ pheisaih tuah aw na ta, Arâpazy hawhta ei zâ chhi khai aw ei; Amâ ly kaw tyhpa balyhzy cheingei hmâpa ta, Kaldia mo chhao ei za siekhei aw ei.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

ISAI 5:15

Chyhsapa cha panawhpa ta y tyh ta, Chyhsa to pahnaipa ama châ tyh; Ama mo a sâhpazy cha, Pahnaipa ama châ tyh.

ISAI 5:21

Âmo mo liata â pasosa kaw ei ta, Âmo mohmô liata thai â tah kawpazy cha, Ama hu a po na!

ZEREMIAH 48:42

Môabâ cha Abeipa â palai thlupa vâta, Pahleipadiapa châ aw ta, Phopi tloh khao aw vei.

EZEKIA 28:2

“Chyhsa sawchapawpa y, Tyre bei hnohta reih teh, Abeipa Zehôvâh ta hetana heta a tah: “Na palôh lai ta, ‘Khazoh châ na ta, Tilaipizy liah liata, Khazohzy dyuchhai liata ei tyuh,’ tah chi ta, Châhrasala chyhsapa dei na châ; Khazoh palôh hawhta na palôh tao hra la, Khazohpa châ va chi.

EZEKIA 28:9

Khazoh châ leipa chi ta, Chyhsapa deita na châ; Châ thietuhpazy mohmô liata, “Khazoh ei châ,” khâ na tah aw ma? Châ nyhtuhpazy ku liata, “Khazoh ei châ,” khâ na tah aw ma?

EZEKIA 35:13

Na pakah ta ei chô liata nâ palai thlupa ta, keima chakhiana bie hluhpi reih chi ta, ei thei khai haw.

EZEKIA 39:7

“Ei phopi Izarei hry liata ei moh pathaihpa palâsa aw na ta, ei moh pathaihpa papuapalei heih awpa pasaih khao aw va na. Chatanachata phopizy ta kei he Abeipa, Izarei Mo Pathaihpa ei châ tahpa ama pahno aw.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

DÂNIAH 8:11

Anosasyh ta a kaw parônahsapa ta, avâ Bei tlu ta a parônahsa ta, avâ Bei hnohta raopa hlâna hlâ tyhpazy pachhâsapa châ ta, a supathaihpa yna su chhao paraopa a châ.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.