ISAI 37:2 - Mara Bible RV (BSI)

² Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

ISAI 37:2 ပူးပေါင်းရင်းမြစ်များ

2 ABEIZY 18:18

Abei cha pado ei ta, Hikia sawchapawpa abei o hyutuhpa Eliakima, chârôhtuhpa Sebanâ nata Asâpha sawchapawpa thâtih rohtuhpa Zôah zy âmo lâ kei pua ei ta.

2 ABEIZY 19:2

Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

2 THÂTIHZYRONA 20:20

A mylâ mydi kari ta thyu ei ta, Tekô râhchawhpa lâ sie ei ta. Ama sie hai nota, Zehôsaphâ cha a duah ta, “Hy Zudâh pathla nata Zerusale khihsawzy saih u, na nathlie teh u! Abeipa nama Khazohpa cha zo u la, â ipa ta namâ duah thei aw. A hrohsopazy zo u la, nama hlao a tloh aw,” tah ta.

ESTHERI 4:1

Ama hmotaopa zydua cha Môdekai ta a pahno nahta, a chysiazy hrie ta, latho poh a bupa ta buchâh a mia ta, khih liah chahryh ta, ao paro ngaitapa nata palôh chhie ngaitapa ta cha laih ta.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ISAI 20:2

Abeipa ta Amôza sawchapawpa Isai hnohta, “Sie la, na chai liata latho poh nâ saipa kha pathlâ la, na phei liata pheikyzy kha pahluh teh,” tah ta. Cha hawhna chata tao ta, Isai cha thluahruapa nata pheiky a ky leipa ta a hlaihlâ ta.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 22:15

Pheisaihzy Abeipa Zehôvâh ta hetana heta a tah: “Sie la, ochhôh a vaotuhpa, sôh mohôhtuhpa Sebanâ lâ vawh la, a hnohta hetana heta kei chho teh:

ISAI 22:20

“Cha noh liata, Hikia sawchapawpa, nâ chakaotuhpa Eliakima aw aw na ta,

ISAI 36:3

Abei o hyutuhpa Eliakima, Hikia sawchapawpa nata chârohtuhpa Sebanâ nata thâtih rohtuhpa Zôah, Asâpha sawchapawpa zy ano lâ a zu ei ta.

ISAI 37:14

Hezekia ta lyuhchâpazy vaw phaopa châ cha hmô ta, reih ta. Hezekia cha Abeipa o lâ khy ta, châ cha Abeipa hmiakô liata pakai ta.

ISAI 37:21

Chatawhcha Amôza sawcha­pawpa Isai ta Hezekia lâ lyuhchâpa tuah ta, a hnohta, “Abeipa, Izarei Khazohpa ta hetana heta a tah: Asuria bei Senâkeri kyh liata kei lâta thlah na chhâpa vâta,

ISAI 38:1

Cha nohzy liata, Hezekia cha thi daihmâpa ta pasa ta. Amôza sawcha­pawpa hrohsopa Isai ano lâ a vy ta, a hnohta, “Abeipa ta hetana heta a tah: ‘Na chhôhkha khihsatôhtuzie awpa paryh teh, na thi aw, hroh aw va chi,’” tah ta.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.