ISAI 37:1 - Mara Bible RV (BSI)

¹ Bei Hezekia ta cha bie cha a thei nahta, a chysiazy hrie ta, latho poh a bupa ta Abeipa o chhôh lâ a ngia ta.

ISAI 37:1 ပူးပေါင်းရင်းမြစ်များ

2 ABEIZY 22:11

Abei ta Ryhpa Châbu biezy a thei nahta, a chyhsiazy hrie ta.

2 THÂTIHZYRONA 32:20

Cha hawhpa bie ama reipa vâna chata, Bei Hezekia nata Amôza sawchapawpa hrohsopa Isai cha thlahchhâpa ta avâ lâ awh ei ta.

EZRÂ 9:5

Zâlâ atheihna daihti liata kâhvileipa ta ei ypa tawhta thyu na ta, ei viahkao nata ei poh a hrie khai hapazy chhaota ei pakhu paneih na ta, Abeipa ei Khazohpa hmiakô lâ ei bâh pazawh na ta, a hnohta,

ESTHERI 4:1

Ama hmotaopa zydua cha Môdekai ta a pahno nahta, a chysiazy hrie ta, latho poh a bupa ta buchâh a mia ta, khih liah chahryh ta, ao paro ngaitapa nata palôh chhie ngaitapa ta cha laih ta.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 36:22

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

ISAI 37:14

Hezekia ta lyuhchâpazy vaw phaopa châ cha hmô ta, reih ta. Hezekia cha Abeipa o lâ khy ta, châ cha Abeipa hmiakô liata pakai ta.

ZEREMIAH 26:19

“Zudâh bei Hezekia nata Zudâh mo zydua ta Mikâ kha ama thie ma? Hezekia ta Abeipa cha chipa ta, Abeipa khokheina a haw ta, chatanachata Abeipa ta ama chô liata chhiena patlôsa awpa a phuahpa kha a pathleih hapa châ vei ma? Keimo deikua cha eima chô liata chhiena rarôh ypa eima patlôsa aw hih,” tah ei ta.

ZEREMIAH 36:24

Châhrasala cha bie zydua a theipa abei tlyma, a chakaotuhpazy tlyma, ahy hmahta chi leipa ei ta, ama chysiazy hrie hra veih ei.

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.