ISAI 36:6 - Mara Bible RV (BSI)

⁶ Pachâ teh, Izi a ngâchhâ chi ta, Izi cha lohthi tliepa-ipa chôchahrei châ ta, a pachyuna châta ano a chhôtuhpa kupazah a chhô tyhpa a châ. Izi bei Phiraoh cha ano a ngâchhâpazy chô liata cha hawhta a tao tyhpa a châ.

ISAI 36:6 ပူးပေါင်းရင်းမြစ်များ

2 ABEIZY 17:4

Hôsia ta Izi bei Sô lâ lyuhchâpa tuah ta, Asuria bei hnohta a kô charei ta râhpaw a pie tyhpa cha pie khao leipa ta. Cha hawhta Hôsia ta a dôveina cha Asuria bei ta pahno ha ta. Chavâta Asuria bei ta Hôsia cha patu ta, chahryna chôta patâhna o liata khô ta.

2 ABEIZY 18:21

Pachâ teh, tahmâ he Izi a ngâchhâ chi ta, Izi cha lohthi tliepa-ipa chôchahrei châ ta, a pachyuna châta ano a chhôtuhpa kupazah a chhô tyhpa a châ. Izi bei Phiraoh cha ano a ngâchhâpazy chô liata cha hawhta a tao tyhpa a châ.

HLAZY 146:3

Abeizy a ngâchhâ leipa la, Chyhsa sawzy chhao a ngâchhâ khah y, Ano liata pachhana y vei.

BIESOZY 25:19

Tymâna daihti liata chyhsa ngâchhih leipa chô liata a pahniehpa cha, Hâh a charuapa nata phei a pahleihpa hawhta a châ.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ISAI 31:3

Izi mo cha Khazohpa châ veih ei, Chyhsapa dei ama châ; Ama arâzy chhao thlahpa châ veih ei, Sapa dei ama châ. Abeipa ta a ku a pazawh tita la, Baotuhpa a chapia aw ta, A baopa chhao pao aw ta, Ama zydua ta hmaohkha ta ama leidia aw.

EZEKIA 17:17

Chyhsa hluhpi chhawhsao awpa ta, Zerusale thokhy cha alei pathlu thlupa ta, diahsuazy ta khihpi ama dôh khai hapa adyuhna liata, Phiraoh nata a pheisaih thatlôpa nata hluh ngaitapazy ta Izarei bei cha pachha thei aw veih ei.

EZEKIA 29:16

Izarei pathlazy ta baona ama hia tita, Izi moleina amâ thei ha tyhpa vâta, amâ ngâchhâpa châ khao aw veih ei. Chatanachata Abeipa Zehôvâh ei châ tahpa ama pahno aw.”