ISAI 36:16 - Mara Bible RV (BSI)

¹⁶ Hezekia bie nathlie khuh vy. Asuria bei ta hetana heta a tah: Nâ ryh u la, kei lâta vaw pua teh u. Chatanachata nama kre zôh chyu tawhta nie pazao aw ei chi ta, nama theiku kô chyu tawhta niepa ta, nama tikhaoh chyu tawhta tizy nama doh pazao thei aw.

ISAI 36:16 ပူးပေါင်းရင်းမြစ်များ

ÂTHAONA 32:20

‘Châ chakaotuhpa Zakaw cha eima hnôh lâta a vaw sie,’ nama tah aw,” tahpa ta biepie ta. Zakaw ta, “Kuhria ei hmia lâta a siepa ta a palôh patlâh aw na ta, cha khai tawhta a hmia ei hmô aw. Cha hawhta ei tao khiahta cha, einâ pyh thei ngyu aw,” tahpa ta pachâ ta.

ÂTHAONA 33:11

Byhnâ ei topa na hnohta ama vaw cheipazy kha, ngiachhiepa ta a pyh mah y. Khazohpa ta na ngiachhie ta, ei hneina ta â daihpa vâta kuhria ei cha piepa a châ,” tah ta. Thata â hawpa vâta a la ha ta.

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

1 ABEIZY 4:20

Zudâh nata Izarei cha tilaipi ngiahkâ sadi zie tlai ta hluh ei ta. Niepa ta doh ei ta, thapha ngaitapa ta y tyh ei ta.

1 ABEIZY 4:25

Sawlawmaw hro chhôh zydua ta Zudâh nata Izarei cha, Dânâ tawhta Besebâ taihta, chyhsa to ama kre zôh ry liata nata ama theiku kô ry liata thlalôh ngaitapa ta ama y.

2 ABEIZY 18:31

Hezekia bie nathlie khuh vy. Asuria bei ta hetana heta a tah: ‘Nâ ryh u la, kei lâta vaw pua teh u. Chatanachata nama kre zôh chyu tawhta nie pazao aw ei chi ta, nama theiku kô chyu tawhta niepa ta, nama tikhaoh chyu tawhta tizy nama doh pazao thei aw.

2 ABEIZY 5:15

Chatawhcha Nâmâ cha a sahlao zydua chhaota Kha­zohpa chyhsa yna lâ a lie ta. A tlô nahta, a hmiakô liata a kei duah ta, a hnohta, “Izarei lia dei leipa ta cha, khizaw zydua liana heta Khazohpa rai y vei tahpa ei pahno haw. Chavâta châ chakaotuhpa kuhria he a hlâh mah y,” tah ta.

BIESOZY 27:18

Theiku kô a mohôhpa ta a thei nie aw ta, A zibeipa a chakaopa chhao palyupalihpa a châ aw.

BIESOZY 5:15

Nâma tikhaoh tawhta ti doh la, Nâma tihnawh tawhta ti a lohpa doh mah y.

ISAI 36:17

A vy aw na ta, nâmo râh hawhta sâh nata kresawhti puana râh, viahchhâ nata kre sadôzy yna râh lâ ei châ chhi hlâlei ei cha, cha hawhta nama râh liata nama y lymâ aw.

MIKÂ 4:4

Chyhsa to ama kre zôh ry liata a tyuh aw ei ta, Ama theiku kô ry chyu liata amâ tyuh aw; Ahy ta hmah pachisa khao aw veih ei, Pheisaihzy Abeipa pakah ta a reih haw.

ZEKARIA 3:10

Cha noh liata cha, chyhsa to ta nama kre zôh nata theiku buh ry liata a tyuduah khoh awpa ta, nama opa lyuhrizy nama hrua tyh aw,” Pheisaihzy Abeipa ta a tah.

2 KAWRINI 9:5

Chavâta pie awpa namâ taihpazy kha pasia awpa ta, unawhzy he nâmo lâ pavysa chhielie a byuhpa ta ei pahno. Chatanachata tararuahna ta châ leipa ta, pasai ngaitapa ta piepa châ aw ta, a mâ chiehpa ta a y thei aw.

1 SAMUELA 11:3

Zabe machâzy ta a hnohta, “Izarei râh zydua liata lyuhchâpa eima pasiesa thei nawpa ta noh sari miah hâ chy mah y. Miah pachha awpa ahy hmahta ama y vei khiahta cha, nâ liata eimâ châ vaw hlâ aw,” tah ei ta.

1 SAMUELA 25:27

Tahmâ châ chakaotuhnô ta ei zibeipa châta hmosaipa ei vaw cheipa he, ei zibeipa a vaw zipa satliazy he pie awpa ta rie paryhsa mah y.