ISAI 36:15 - Mara Bible RV (BSI)

¹⁵ Hezekia ta, “Abeipa ta miah pachha tlai aw ta, he khihpi he Asuria bei ku liata piepa châ aw vei,” tahpa ta, Abeipa a ngâchhâ chhei awpa ta cha tao khah ei sy.

ISAI 36:15 ပူးပေါင်းရင်းမြစ်များ

HLAZY 4:2

Hy chyhsazy saih u, Khati taih ma ei zachhihna he nozana ta tao aw ei chi ta, Khachâ ma hraoleipa biezy tlaichhaipa ta, Haipa biezy nama tlua aw tly? Selah

ISAI 36:18

Hezekia ta, “Abeipa ta miah a pachha aw,” tahpa ta a châ chhi chhei lei nawpa ei ta a vaih teh u. Râh hropazy khazohzy hry liata, Asuria bei ku tawhta a râh a pachha theipa khazoh a y beih ma?

ISAI 36:20

Ahy râh khazohzy kha ma ei ku tawhta ama râh a vaw pachha ha ei? Abeipa chata Zerusale he ei ku tawhta zua a pachha aw ma?’ a tah,” tah ta.

ISAI 36:7

“Keimo la Abeipa eima Khazohpa na eimâ ngâchhâ,” nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, “He maisâh hmiakô lia deita ta namâ chhy awpa a cha,” tah ta, a su sâhpazy nata a maisâhzy a parao khai hapa kha châ vei ma?

ISAI 37:10

Ama hnohta, “Hetana heta Zudâh bei Hezekia cha nama chho aw: ‘Asuria bei ku liata Zerusale piepa châ aw vei tahpa ta nâ ngâchhâpa na Khazohpa cha a padôveisa khah y.

ISAI 37:11

Pachâ teh, râh zydua chô liata Asuria beizy hmo taozie nata râh zydua ama parao khaizie zy na thei khai. Nâ chhao pachhapa na châ hlei aw ma?

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.