ISAI 36:10 - Mara Bible RV (BSI)

¹⁰ Cha dei châ vei, he râh parao awpa heta, Abeipa a hlao leipa ta a khypa ma ei châ? Abeipa ta ei hnohta, “Cha râh cha khyhnao la kaw parao teh,” eina tahpa vâta â khypa mah a châ tâh,’” tah ta.

ISAI 36:10 ပူးပေါင်းရင်းမြစ်များ

1 ABEIZY 13:18

Hrohsopa ta a hnohta, “Kei chhao he nâ hawhta hrohsopa ei châ hra. Vâlyuhchâpa ta ei hnohta, ‘Viahchhâ zy niepa ta, ti zy doh awpa ta, na hnohta na o lâ a chhi mah y,’ tahpa ta Abeipa bie ta eina chho,” tah ta. Cha cha haipa bie a chhopa a châ.

1 ABEIZY 22:12

Hrohsopa hropa zydua chhao ta, “Ramôkilia lâ cha khy la kaw pahnie teh, Abeipa ta Ramôkilia cha abei ku liata a pie aw,” tahpa ta hrohsona bie phuah hra ei ta.

1 ABEIZY 22:6

Izarei bei ta hrohsopa za palih rachhôh awpakhy ta, ama hnohta, “Ramôkilia khihpi a dyuh awpa ta ei sie aw ma, ei chalih aw?” tah ta. Âmo ta, “A kaw dyuh teh, Abeipa ta Ramôkilia khihpi cha abei ku liata a pie aw,” tah ei ta,

2 ABEIZY 18:25

Cha dei châ vei, he su parao awpa heta, Abeipa a hlao leipa ta a khypa ma ei châ? Abeipa ta ei hnohta, ‘Cha râh cha khyhnao la, kaw parao teh,’ eina tahpa vâta â khypa mah ei châ tâh,” tah ta.

2 THÂTIHZYRONA 35:21

Nekô ta Zôsia lâ lyuhchâpazy tuah ta, a hnohta, “Hy Zudâh bei y, nâma nata keima likah liata khâpa a tah thai leina ma eima hnei? Tanoh he nâma a dyuh awpa ta a khy va na. Ei dyuh haipa phopi a dyuh awpa ta a khypa ei châ. Khazohpa ta a para awpa ta bie na pie ta, chavâta ei chhâh a châpa Khazohpa cha a dyuh khah y, chataleipatala a cha pahleipadia pathlei aw,” tah ta.

ISAI 37:28

“Nâ tyupa pahno na ta, Na puapa nata nâ ngiapa ei pahno; Ei chô liata na hiehâhna chhao ei pahno.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”