ISAI 35:6 - Mara Bible RV (BSI)

⁶ Pheisypa sakhih hawhta a chapie aw ta, Reih pathlie thai leipa paleih chhao, Thaphapa ta hla a sa aw. Râhchawhpa liata tizy pua aw ei ta, Sadi bypizy liata vahtie tizy ama loh aw.

ISAI 35:6 ပူးပေါင်းရင်းမြစ်များ

NEHEMIAH 9:15

Ama nodi nota avâ tawhta viahchhâ pie chi ta, ama dâhphi nota lôpanô tawhta ti papua chi ta, âmo pie awpa ta na bâh avâ lâ pazawhpa ta bie nâ taihpa râh a ngia ta, hnei awpa ta na chho ei.

HLAZY 107:35

Râhchawhpa tipo lâta pachâsa ta, Chhaohlei hipa tihnawhzy lâta a pachâsa tyh.

HLAZY 46:4

Chavah miakha y ta, A vahtiezy ta Khazohpa khihpi palysa ta, Chônôchaipa pahrâna su pathaihpa a palysa tyh.

HLAZY 51:15

Hy Abeipa, ei hmaozy pahy la, Ei pakah ta na reithaina a phuah aw.

PUASAINA 17:6

Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

ISAI 30:25

Riahvaina o sâhpazy pao ha ta, thata athietuna noh liata, tlâh sâhpa to nata tlâh byuhpa to liata vahtiezy ama loh zaolao aw.

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 32:4

Palôh charâpa palôh cha, Novâhpa ta pahno thai bâ aw ta; Reih chaawpa paleih chhao, A siapa ta bie a reih thei bâ aw.

ISAI 33:23

Na chaorizy padaopa châ ta, Poh zawna tôh pa-i thei leipa ei ta, Balyh poh pakai thei vei. Hraona sôh hluhpizy raipa châ aw ta, Pheisypazy chhao ta amâ phao hra aw.

ISAI 35:1

Râhchawhpa nata râh raohpa zy a ly aw ei ta, Sadi su chhao thaphapa ta y aw ta, Rôspaw hawhta a pawh aw.

ISAI 42:11

Râhchawhpa nata a khihpizy ta ama ao papua ei sala, Kedâ mo pahrâna khihzy ta ama ao papua mawh ei sy; Selâ khihsawzy thaphapa ta hla sa ei sala, Tlâh lakizy tawhta awh mawh ei sy.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 48:21

Râh raohpa su liata â chhi no ei khata, Ama dâhphi leipa ta; Âmo châta lôpanô tawhta ti palosa ta, Lôpanô pakei ta ti a kaw pali.

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ZÔELA 3:18

“Cha noh liata, Tlâhpizy tawhta kresawhti thlôhpa a zâ thlaoh aw; Tlâhthlôhzy liata sâhpiti loh aw ta, Zudâh vahtiepa zydua liata tizy a loh aw; Abeipa o tawhta tihnawh vaw pua aw ta, Siti Saikao cha ti ta a bao aw.

ZEKARIA 14:8

Cha noh liata, Zerusale tawhta hrona tizy loh papua aw ta, â khophie nochhi tilaipi lâta loh aw ta, â khophie notla tilaipi lâta a loh aw. Nopi daihti nata chasipaw daihtizy liata chhao a loh lymâ aw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MALUHREINA 20:11

Mawsi cha a ku hy ta, a chôchahrei ta lôpanô cha ei no tu ta. Ti thata vaw pua ta, zawpi nata ama sahrohzy ta ti cha doh ei ta.

MATHAI 11:5

Mochaopazy ama mo pavâ ta, pheisypazy phei ta sie ei ta, phawhpazy pathaisapa ta y ei ta, nahpâpazy ta thei ei ta, athipazy pathyupa ta y ei ta, dyhchhiepazy hnohta thâtihpha chhopa a châ haw.

MATHAI 12:22

Chatawhcha ahripa ta a patupa, mochaopa nata reih pathlie thei leipa pakha a hnohta a vaw chhi ei ta. Zisu ta ano cha patlâh ta, reih pathlie thei leipa cha reih pathlie theipa ta, a mo pavâ ha ta.

MATHAI 21:14

Achhyna o liana chata mochaopazy nata pheisypazy ano lâ a vy ei ta, âmo cha patlâh ta.

LUKA 1:64

Sôkha ta a pakah vaw âpa ta, a paleih a vaw thlâ ta, reih pathliepa ta Khazohpa reithai ta.

LUKA 11:14

Zisu ta ahripa reih pathlie thei leipa papua ta. Ahripa a pua nahta, reih pathlie thei leipa cha a reih pathlie thei ha ta. Zawpi ama noâh kaw ta.

HMOTAOPAZY 3:2

Chyhsa pakha pheisypa ta a pihpa a vaw sy ei ta, ano cha Achhyna o lâ a ngiapazy lâta ku dao awpa ta, Achhyna o Ochhi Ngiapa ama tahpa kiapâh liata noh chareih ama pazia tyhpa a châ.

HMOTAOPAZY 8:7

Thlahpa puapazy cha ao paro ngaitapa ta awhna chôta ama patupa chyhsa hluhpi chhôh tawhta vaw pua ei ta, asypa nata pheisypazy chhao patlâhpa châ ei ta.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.