ISAI 35:5 - Mara Bible RV (BSI)

⁵ Cha tita cha, mochaopazy mo pavâsapa châ aw ta, Nahpâpazy nah pavâsapa a châ aw.

ISAI 35:5 ပူးပေါင်းရင်းမြစ်များ

ZAWBÂ 33:16

Chyhsazy nah pahy ta, Zikyurâna ta âmo cha a pachisa ei;

HLAZY 146:8

Mochaopazy mo a pavâsa. Abeipa cha a bôhpazy pathyu ta, Abeipa cha mosiapazy kyh a pachâ.

PUASAINA 4:11

Abeipa ta a hnohta, “Ahy ma chyhsapa pakah he a tao? Reih pathlie thei leipazy, nahpâpazy, mopavâpazy nata mochaopazy chhao he, ahy taopa ma a châ? Kei Abeipa ta ei taopa châ vei ma?

BIESOZY 20:12

Theina nah nata hmôna mo zy he, A miano ta Abeipa taopa sai a châ.

ISAI 29:18

Cha noh liata, nahpâpazy ta châbu biezy thei aw ei ta, Mochaopa mozy chhao, A zoh kaluhna tawhta hmô thei aw ta, A zohna tawhta a hmô thei ha aw.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 42:18

Nahpâpa saih u, thei u la, Mochaopa saih u, moh u la, hmô teh u!

ISAI 43:8

Mo hnei thlâh ha taraw ta, Châhrasala mochaopa phopi cha a vaw chhi la, Nakhaoh hnei thlâh ha taraw ta, Châhrasala nahpâpazy cha a vaw chhi mah y!

ISAI 48:8

Thei beih leipa ei chi ta, Pahno beih hra leipa ei chi ta, Hlâno tawhta nama nah pachôh beih veih ei chi. Haiphiahpa ta hmo nama tao aw tahpa pahno na ta, Nô chhi tawhta chakhiatuhpa ama cha tahpa na châ.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

ISAI 50:5

Abeipa Zehôvâh ta ei nah he pahy ha ta, Chavâta chhorupa ta y leipa na ta, Hnôh a sy hra va na.

ZEREMIAH 6:10

Ahyzy ma zikyurâna bie he chho aw ei na ta, A nathlie aw ei tly i? Moh teh u, nakhaoh chopaw tai leipa châ ei ta, Nathlie thei veih ei. Âmo châta la Abeipa bie he zakheichhihpa hmo châ ta, Abeipa bie liata alyna hnei veih ei.

MATHAI 12:22

Chatawhcha ahripa ta a patupa, mochaopa nata reih pathlie thei leipa pakha a hnohta a vaw chhi ei ta. Zisu ta ano cha patlâh ta, reih pathlie thei leipa cha reih pathlie theipa ta, a mo pavâ ha ta.

MATHAI 21:14

Achhyna o liana chata mochaopazy nata pheisypazy ano lâ a vy ei ta, âmo cha patlâh ta.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

ZAWHÂNA 11:37

Thokha ta, “Mochaopa mo a pavâsatuhpa heta, he chyhsa chhao he thi leipa ta paysa thei vei tly ma?” tah ei ta.

ZAWHÂNA 9:39

Zisu ta, “Mochaopazy ama mo pavâ sala, mo pavâpazy ama mo a chao nawpa ta, he khizaw liata ryureih awpa ta a vypa ei châ,” tah ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.