ISAI 34:9 - Mara Bible RV (BSI)

⁹ Edômâ chavah tizy cha chathli lâta paliepa châ aw ta, A dohlei kaih lâta paliepa a châ aw; A râh chhao chathli kâ ngâpa lâta â lie aw.

ISAI 34:9 ပူးပေါင်းရင်းမြစ်များ

ÂTHAONA 19:28

Sawdawmâ nata Kawmawrâ nata bypi râh zydua cha sai ta, râh tawhta meikhuh a kaw puapa hmô ta, meihôpi meikhuh hawh tlai ta a charih ngâ kaw ta.

ZAWBÂ 18:15

A chyhsa a châ leipazy a poh o liata pahrâ aw ei ta, A pahrâna liata kaih hiepa a châ aw.

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ZEREMIAH 49:13

Bôzrâ cha su chichhihpa, pasipasawhpa, roryhrapa nata chhiesapa khihpi châ aw ta, a khichapeihzy chhao roryhrapa ta ama y zôzaw aw tahpa ta, keima sasyh ta ei moh a reipa ta bie ei taih haw,” Abeipa ta a tah.

LUKA 17:29

Châhrasala Sawdawmâ khih tawhta Lawta a pua noh liata, vârâh tawhta mei nata kaih za suah ta, ama zydua ta a pahleipadia khai ha ei.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.