ISAI 34:8 - Mara Bible RV (BSI)

⁸ Abeipa ta phuh lana noh hnei ta, Zaio kyh liata viarithôna kô a hnei.

ISAI 34:8 ပူးပေါင်းရင်းမြစ်များ

HLAZY 94:1

Hy Abeipa, phuh latuh Khazohpa, Hy phuh latuh Khazohpa y, Khaih lymâ mah y!

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 13:9

“Moh teh u, Abeipa noh a vaw tlô hai, Ngiachhiena a hnei leipa noh châ ta, Pathiiana nata hiehâhna ru ngaitapa noh a châ. Râh cha roryhrapa ta paysa aw ta, A chhôh liata moleipazy a pahleipadia khai aw ei.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 47:3

Na thluahruana palâpa châ aw ta, Na nozana hmôpa a châ aw. Phuh la aw na ta, Ahy hmahta pahlôh aw va na.

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 61:2

Abeipa palôhtlâhna kô phuah awpa ta na tuah ta, Eima Kha­zohpa phuh lana noh phuahpa ta, Mâchhie a sapa zydua thlapalôh awpa ta eina tuah.

ISAI 63:4

Viarithôna noh ei palôh liata y ta, Ei chatlaina kô a vaw tlô haw.

ZEREMIAH 46:10

“Cha noh cha Pheisaihzy Abeipa Zehôvâh noh châ ta, Phuh a lana noh a châ; A khakhaipazy chô liata phuh â lana noh a châ. Pheisaihzy Abeipa Zehôvâh ta Maw lâ râh Ufrâti chavah kiah liata atheihna hlâ ha ta, Chavâta zaozi ta Izi mo cha, Lôhrâtlôna taihta palâ aw ta, Dâhphi paina taihta ama thisaih a doh aw.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

ZÔELA 3:4

“Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

MIKÂ 6:1

Abeipa biereipa he thei teh u: Thyu la, tlâhpizy hmiakô liata na bie a duakhei la, Tlâhthlôhzy ta na ao thei mawh ei sy.

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

BIEPHUAH 14:11

Cha chyhsazy pasataona meikhuh cha chhâzaw nata tlyzaw ta pua aw ta, sahrâhpa nata a nothlahpa achhytuhpazy nata a moh ngiana a hneipa maihzy cha, chhô nah zâ ta apahâna rai hnei aw veih ei,” tah ta.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.