ISAI 34:7 - Mara Bible RV (BSI)

⁷ Chaoliah tôhpazy Môabâ mo hnohta pao aw ei ta, Viahchaotaw chapawpazy chhao, Viahchao tôhpa thatlôpazy chhaota ama pao aw. Ama râh cha thisaih liata pachiepa châ aw ta, Ama dohlei cha thaw ta a khu aw.

ISAI 34:7 ပူးပေါင်းရင်းမြစ်များ

HLAZY 22:21

Chakeibarôhneipa pakah tawhta na pachha la, Chaoliah ahrâhpa ki tawhta na pabohsa mah y!

HLAZY 68:30

Lohthizy hry liata sahrâhpazy ra la, Phopizy viahchao tôhpa nata viahchaotawzy ra mah y. Râhpaw a tlaichhaipazy cha na phei ry liata tlypâ la, Adyuhna a pahâh kawpa phopizy hiepatla ha mah y.

HLAZY 92:10

Keima ki deikua cha, Chaoliah tôhpa ki hawhta cheihchalo chi ta, Sathaw thiehpa eina thu chi.

ISAI 63:6

Ei hiehâhpa ta phopizy ei tlysao ha ei; Ei pathiiana ti padosa ei na ta, Ama hrona thisaih alei liata ei leihthapa ha ei,” Abeipa ta a tah.

ZEREMIAH 25:34

“Nâmo, mietaku vaituhpazy saih u, Sâh u la, cha teh u; Nâmo, mietaku zaw zibeipazy saih u, Buchâh liata a hluah teh u; Thiepa ta nama y nawpa nohzy vaw tlô ha ta, Nama paipatla nawpa nohzy a vaw tlô haw; Hmobaoh sôhpa hawhta nama pao aw.

ZEREMIAH 46:21

Ama rao nawpa noh ama chô liata vaw tlô ha ta, Âmo hrie nawpa daihti a vaw tlô haw; Chavâta ama hry liata hlao hneipa pheisaihzy chhao, Viahchao dawpa pathawhpa hawh dei châ ei ta; Chariah hnôhchhypa ta, Â raohpa ta amâ râ khai haw; A duah thei veih ei.

ZEREMIAH 50:11

“Hy ei ryuto a hraotuhpazy saih u, Thaphapa nata thapawh kawpa ta ypa ta, Si panyupa su liata viahchao zeinô hawhta a chapiepa ta, Arâ tôhpa hawhta sâh hra u la,

ZEREMIAH 50:27

A viahchao tôhpazy thiena su la zu ei sala, Thie khai ha teh u. Ama noh vaw tlô ta, Âmo hriena daihti a vaw tlô haw; Ama hu a po kaw dia!

EZEKIA 32:6

Na thisaih a lohpa ta râh pahnasa aw na ta, Tlâhpizy tlôna taihta ei pahnasa aw; Chavah kaozy cha na ri ta a bie aw.

EZEKIA 39:17

“Hy chyhsa sawchapawpa y, Abeipa Zehôvâh ta hetana heta a tah: Pavaw chi to nata râhsa chi to hnohta bie reih la, ‘A pahmaoh u la, a vy teh u. Nâmo châta atheihna kyhchhi ei chhuanohpa lâ a vy awpa ta, su to tawhta a pahmaoh u la, Izarei tlâhpizy liata atheihna kyhchhi rônahpa ei taopa lâ a vypa ta, sa nie u la, thisaih doh teh u.

EZEKIA 39:18

Chyhsa rônahpazy sa niepa ta, lei beimachâzy thisaih doh aw ei chi ta, mietaku tôhpazy, mietakutawzy, mie tôhpazy nata viahchao tôhpazy thisaih nama doh aw. Viahchao tôhpa zydua cha Bâsanâ viahchao tôhpa thawhpazy ama châ.

MALUHREINA 23:22

Izi tawhta âmo a kaw chhi papuapa Khazohpa cha, Âmo châta chaoliah tôhpa ki hawhta a châ.

MALUHREINA 24:8

Izarei cha Khazohpa ta Izi tawhta a kaw chhi papua ta, Ano châta chaoliah tôhpa ki hawhta a châ; A chariahpa râhzy palâ khai aw ta, Ama ruzy a tlawh ta pakeichheihpa ta, A châtaizy ta âmo a chhô pahlie aw.

RYHPACHANEINA 33:17

Zawsi cha viahchao pataw tuapa tôhpa hawhta rônah ta, A kizy chaoliah tôhpa ki hawhta a châ; A ki ta phopizy tôh aw ta, Ama zydua ta alei chhâna taih a tôh pathlah aw ei. Âmo cha Epharai thy hluhpi châ ei ta, Manase sâh hluhpizy ama châ.”