ISAI 34:6 - Mara Bible RV (BSI)

⁶ Abeipa ta Bôzrâ khihpi liata atheihna hlâ awpa hnei ta, Edômâ râh liata thietuna rarôh ypa tao awpa a hneipa vâta, Abeipa zaozi cha thisaih ta bie ta, Thaw ta a khu; Mietakutawzy nata miezy thisaih ta bie ta, Mietaku tôhpazy lôpo thaw ta a khu.

ISAI 34:6 ပူးပေါင်းရင်းမြစ်များ

2 SAMUELA 1:22

“Hmaphaohpazy thisaih tawhta, Pasaiphazy thaw tawhta, Zawnathâ libaw kua beih leipa ta, Sawla zaozi chhao a ruapa ta a lie beih vei.

1 THÂTIHZYRONA 1:44

Belâ a thi tawhta, Bôzrâ khihpa Zerâ sawchapawpa Zôbabi ta ano su liata a bei ta.

HLAZY 137:7

Hy Abeipa, Zerusale pao nota Edômâ mo ta, “Parao teh u, parao teh u, Â bôna taihta parao khai teh u,” Ama tahpa bie kha my beih khah y.

ISAI 29:2

Zerusale cha a nô papo aw na ta, Mâchhiesana nata chaphôhtuna y aw ta, Ei châta chakoh maisâh hawhta a châ aw.

ISAI 34:5

Dâhphi paina taihta, Ei zaozi ta avâ liata doh ha ta; Moh teh u, Edômâ pachia awpa ta za chô ta, Pahleipadia awpa ta ei raopa phopi chô liata a za chô.

ISAI 63:1

Chysia saihdôhpa ta a tobi ta, Edômâ râh Bôzrâ khihpi tawhta a vypa hao Ahy ma a châ tly? Poh rônahpa a bu ta, Thatlô ngaitapa ta hrâ a vaw siepa hao Ahy ma a châ tly? “Keima na ei châ; Siana ta bie reih na ta, Pachha awpa ta thatlôna a hneipa ei châ,” Abeipa ta a tah.

ISAI 63:3

“Keima dei ta kre saohna khaoh liata kre thei tly na ta, Phopizy hry tawhta pakha hmah ei hnohta y veih ei. Hiehâhpa ta tly ei na ta, Pathi iapa ta ei tlychheih ha ei. Chavâta ama hrona thisaih ei chysia liata a pie ta, Ei poh zydua a kia khai haw.

ISAI 65:12

Ei cha aw no ei ta nâ chhy leipa ei chi ta, Bie ei rei nota chhao nathlie leipa ei chi ta, Ei mohmô liata hmo pha leipa taopa ta, Ei ly leipa hmozy namâ tlyhpa vâta, Nama tovyuh châta zaozi cha raopa aw ei na ta, Nama zydua ta thietuhpa hmia liata namâ bôh aw.”

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 25:34

“Nâmo, mietaku vaituhpazy saih u, Sâh u la, cha teh u; Nâmo, mietaku zaw zibeipazy saih u, Buchâh liata a hluah teh u; Thiepa ta nama y nawpa nohzy vaw tlô ha ta, Nama paipatla nawpa nohzy a vaw tlô haw; Hmobaoh sôhpa hawhta nama pao aw.

ZEREMIAH 46:10

“Cha noh cha Pheisaihzy Abeipa Zehôvâh noh châ ta, Phuh a lana noh a châ; A khakhaipazy chô liata phuh â lana noh a châ. Pheisaihzy Abeipa Zehôvâh ta Maw lâ râh Ufrâti chavah kiah liata atheihna hlâ ha ta, Chavâta zaozi ta Izi mo cha, Lôhrâtlôna taihta palâ aw ta, Dâhphi paina taihta ama thisaih a doh aw.

ZEREMIAH 49:13

Bôzrâ cha su chichhihpa, pasipasawhpa, roryhrapa nata chhiesapa khihpi châ aw ta, a khichapeihzy chhao roryhrapa ta ama y zôzaw aw tahpa ta, keima sasyh ta ei moh a reipa ta bie ei taih haw,” Abeipa ta a tah.

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

ZEREMIAH 50:27

A viahchao tôhpazy thiena su la zu ei sala, Thie khai ha teh u. Ama noh vaw tlô ta, Âmo hriena daihti a vaw tlô haw; Ama hu a po kaw dia!

ZEREMIAH 51:40

Mietakutaw thie awpazy hawhta A chhi aw ei na ta; Mietaku tôhpa nata mie tôhpa thie awpazy hawhta, Ei chhi aw ei.

EZEKIA 21:10

Chyhsa chhawh nawpa ta chatapa châ ta, Dôhla hawhta pathliesapa châ ta, Padiehsapa a châ haw! Eima tha a pha aw ma? Ei sawchapawpa y, chôchahrei mohnao chi ta, tho ta taopa zydua na mohnao.

EZEKIA 35:15

Izarei pathlazy ryuto roryhrapa ta a ypa nâ lypa hawhna khata, na chô liata ei tao aw. Hy Seirâ Tlâh, roryhrapa ta na y aw. Edômâ cha tlokhuh roryhrapa ta a y aw. Chatanachata Abeipa ei châ tahpa ama pahno aw.”

EZEKIA 35:8

A tlâhpizy cha a chyhsa ama thiepazy ta ei pabie aw. Na tlâhthlôhzy nata na saikaozy nata na chavah kao zydua liata zaozi ta thiepazy ama pao hôlô aw.

AMÔSÂ 1:11

Abeipa ta hetana heta a tah: “Edômâ moleina miathôh vâta, Âh, miaplih vâ chhao rai ta, Hriena chalihsa aw va na; Zaozi ta a unawhpa a chadai ta, Ngiachhiena zydua thy khaipa ta, A hiehâhna ta khâ hriechheih ta, A pathiiana chhâzaw ta â vao thlâh hapa vâta.

ZEPHANIA 1:7

Zehôvâh Khazohpa hmiakô liata a chalih teh u, Abeipa noh â hnia haw; Abeipa ta atheihna a chhuanoh ha ta, A hruapazy a pathaisa haw.

RYHPACHANEINA 32:14

Viahchao hri sâhpiti kuapa ta cha pasa ta, Mietaku zaw sâhpiti ta a cha pasa; Mietakutaw thaw ta cha pasa ta, Bâsanâ mietaku tôhpa thaw ta cha pasapa ta, Mie thaw ta a cha pasa. Sâh pahâh chaipazy cha paniesa ta, Kre thisaih pathaihpa na doh tyh.

RYHPACHANEINA 32:41

Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.