ISAI 34:2 - Mara Bible RV (BSI)

² Abeipa cha râh zydua chô liata a ru thata chhô ta, Ama pheisaih zydua chô liata a hie a hâh ngaita; Chavâta âmo cha, Tlokhuh pahleipadia awpa ta hlâ ha ta, Thie awpa ta a hlâ ha ei.

ISAI 34:2 ပူးပေါင်းရင်းမြစ်များ

HLAZY 2:5

A pathi iapa ta ama hnohta bie reih aw ta, A hiehâhpa ta âmo pachisapa ta,

PUASAINA 8:14

Pakhy ei ta a su su ta pathlu ei ta, a râh duata a thu khai haw.

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 13:5

Abeipa nata a hiehâhna chariah chhaichhizy châ ei ta, Babylaw râh pôhpalôhpa parao awpa ta, Râh hlapi tawhta a vy ei ta, Avâ chy chhânazy tawhta amâ vy.

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 26:20

Hy ei phopi, a vy u la, Nama chhôhpadâhpazy liata a ngia teh u; Nama ochhizy a khaw khâh u la, Ruchhôna a khô hlâlei cha, Bohpi leipa chhôh a nyu chy teh u.

ISAI 30:25

Riahvaina o sâhpazy pao ha ta, thata athietuna noh liata, tlâh sâhpa to nata tlâh byuhpa to liata vahtiezy ama loh zaolao aw.

ISAI 61:2

Abeipa palôhtlâhna kô phuah awpa ta na tuah ta, Eima Kha­zohpa phuh lana noh phuahpa ta, Mâchhie a sapa zydua thlapalôh awpa ta eina tuah.

ISAI 63:6

Ei hiehâhpa ta phopizy ei tlysao ha ei; Ei pathiiana ti padosa ei na ta, Ama hrona thisaih alei liata ei leihthapa ha ei,” Abeipa ta a tah.

ISAI 65:12

Ei cha aw no ei ta nâ chhy leipa ei chi ta, Bie ei rei nota chhao nathlie leipa ei chi ta, Ei mohmô liata hmo pha leipa taopa ta, Ei ly leipa hmozy namâ tlyhpa vâta, Nama tovyuh châta zaozi cha raopa aw ei na ta, Nama zydua ta thietuhpa hmia liata namâ bôh aw.”

ISAI 66:14

Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ZEREMIAH 25:31

Abeipa cha phopizy lyuhtua awpa a hneipa vâta, Â rôhpa pyu cha alei chhâna taihta a khaihpalie aw; Sapa zydua pachiana liata a ngiakhei aw ta, Hmoparaopazy cha zaozi lâ a hlâ aw ei,’ Abeipa ta a tah.

ZEREMIAH 25:32

“Pheisaihzy Abeipa ta hetana heta a tah: Moh teh u, chhiena ta râh to chahryh ta, Alei su lâhla chaipazy tawhta Chothyu ru ngaitapa a vaw thyu hai!

ZEREMIAH 25:33

“Cha noh liata Abeipa ta a thiepa chyhsazy cha, alei chhâna hiakha lâ tawhta alei chhâna hiakha lâ taihta amâ zawh aw. Mâchhiesapa leipa aw ei ta, ama ri lapa châ leipa aw ta, pabupa châ hra aw veih ei. Alei chô liata ie hawhta ama châ aw.

EZEKIA 36:5

Chavâta Abeipa Zehôvâh ta hetana heta a tah: Ei hiatlia pasana ta phopi hropazy nata Edômâ mo zydua chô liata hiehâh ngaitapa ta bie vaw reih ha na ta. Âmo cha palôh a ly ngaitapa nata papeisana rai hnei leipa ta ei râh nâ chhupazy châ ei ta, râh sibie phana suzy cha ama hraona sôh ta a taopazy ama châ.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

ZEKARIA 14:3

Cha khai tawhta Abeipa cha vaw pua aw ta, adyuhna noh liata â dyuh tyhpa hawhta, phopizy cha â dyuh aw ei.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 20:9

Alei chô zydua hrâsie ei ta, mopathaihpazy riehmo nata khihpi kho ngaitapa cha chadô ei ta. Châhrasala avâ tawhta mei za tla ta, a kâ khai ha ei.