ISAI 34:10 - Mara Bible RV (BSI)

¹⁰ Chhô nah zâ ta pachhaipa châ leipa aw ta, A meikhuh chhâzaw ta a khu aw. Chhâ zydua ta roryhrapa ta y aw ta, Chhâzaw nata tlyzaw ta ahy hmahta chapia khao aw veih ei.

ISAI 34:10 ပူးပေါင်းရင်းမြစ်များ

ISAI 1:31

Thatlôpa cha meibu hawhta châ aw ta, A raihria meihlih hawhta a châ aw; A miano ta kâ khoh aw ta, A pachhai awpa y aw veih ei.

ISAI 13:20

Khati ta hmahta, Cha liata chyhsa pahrâ khao leipa aw ei ta; Chhâ zydua ta, A chhôh liata chyhsa y khao aw veih ei. Arabia chyhsazy ta, Cha liata ama poh o parai khao leipa aw ei ta; Mietaku vaituhpa ta, Cha liata ama mietaku zawzy pabyusa khao aw veih ei.

ISAI 24:1

Pachâ teh u, Abeipa ta alei he parua aw ta, Roryhrapa ta a tao aw; Alei hmia he palie patheih aw ta, Alei chô liata a pahrâpazy a hiepatla khai aw ei.

ISAI 34:17

Âmo châta nuby a dao ha ta, A ku ta chaori thlie ta, Ama tovyuh râh a pie chyu ei; Chhâzaw ta hnei aw ei ta, Chhâ zydua ta cha liata ama pahrâ aw.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ZEREMIAH 49:18

Sawdawmâ nata Kawmawrâ nata a chheipâh liata khihpizy paraopa ta a ypa hawhna khata, cha liata ahy hmah pahrâ khao leipa aw ei ta, ahy hmahta cha lâ a paih khao aw veih ei,” Abeipa ta a tah.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

EZEKIA 29:11

Chyhsapa phei ta tly beih khao leipa aw ta, sazy phei ta chapia beih khao aw vei. Kô sypalih chhôh chyhsapa pahrâ leina râh a châ aw.

NÂHU 2:10

Roryhrapa ta y ta, Roryhrana nata raona ta a bie; Palôhzy zao ta, Pakhuzy â chakhyh; Chai zydua pasa ta, Hmia zydua a hlâh khai haw.

BIEPHUAH 18:18

Babylaw kâpa khuh cha saina chôta, “He hawhta khihpi rônahpa he, Khâpa khih ma a y aw?” tahpa ta awh ei ta.

BIEPHUAH 19:3

“Haleluia! Chhâzaw nata tlyzaw ta, A meikhuh a kiah lymâ aw,” tahpa ta awh via heih ei ta.