ISAI 34:1 - Mara Bible RV (BSI)

¹ Hy râhzy saih u, thei awpa ta a vaw hnia u la, Phopizy saih u, nathlie teh u! Alei ta thei sala, A chhôh liata a ypa zydua ta thei mawh ei sy; Khizaw ta thei sala, A chhôh tawhta a puapa zydua ta thei mawh ei sy.

ISAI 34:1 ပူးပေါင်းရင်းမြစ်များ

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

HLAZY 24:1

Alei nata a chhôh liata a ypa zydua he Abeipa eih châ ta, Khizaw nata a chhôh liata a pahrâpa zydua chhao Abeipa eih a châ.

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

HLAZY 96:10

Râhzy liata, “Abeipa ta ryu a reih! Khizaw he â ipa ta paduapa châ ta, A chalyu beih aw vei; Â khopa ta phopizy a pachia aw,” tah teh u.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 18:3

Khizaw chyhsa zydua saih u, Alei chô liata a pahrâpa zydua saih u, Tlâhpizy liata ngiana poh ama chaluah tita moh u la, Chiahmie ama tô tita nathlie muh vy!

ISAI 33:13

Nâmo, lâhlapi liata a ypazy saih u, Ei hmo taopa thâtih thei u la; Nâmo, lâhnia liata a ypazy saih u, Ei hmotaotheizie pahno teh u.”

ISAI 41:1

Hy tilaipi kiah râhzy saih u, Ei hmiakô liata sidiapa ta y u la, Phopizy ta ama thatlôna pathieh mawh ei sy. Ryureina su lâ vaw puapa ta, Ama thâtih a vaw reih ei sala, Ryureina su liata a tyh suh vy.

ISAI 43:9

Râh zydua a hmaoh ei ta, Phopizy amâ pakhy. Ama hry liata ahy ma he he reih thei aw ta, Hmo parohpazy miah a pahmô thei aw? Amâ dona a duakhei awpa ta, Pahnokheituhpazy a vaw chhi ei sala; Nathlie ei sala, “Â do na,” tah mawh ei sy.

ISAI 48:16

Nâ vaw hnia u la, He bie he thei teh u; Hmo vaw y awpa kyh liata, Âthaona tawhta arulâta bie reih beih leipa na ta, A vaw y daihti lia chhao ta ei y.” Tahmâ he Abeipa Zehôvâh ta na tuah ta, A Thlahpa ta eina tuah.

ISAI 49:1

Hy tilaipi kiah râhzy saih u, Na nathlie u la; Nâmo, lâhlapi liata phopizy saih u, Nama nah pachôh teh u. Abeipa ta chhi tawhta na aw ta, Ei nô py chhôh tawhta ei moh eina bi.

ISAI 63:1

Chysia saihdôhpa ta a tobi ta, Edômâ râh Bôzrâ khihpi tawhta a vypa hao Ahy ma a châ tly? Poh rônahpa a bu ta, Thatlô ngaitapa ta hrâ a vaw siepa hao Ahy ma a châ tly? “Keima na ei châ; Siana ta bie reih na ta, Pachha awpa ta thatlôna a hneipa ei châ,” Abeipa ta a tah.

ZEREMIAH 22:29

Hy râh, râh, râh y, Abeipa bie he thei teh!

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

EZEKIA 38:17

“Abeipa Zehôvâh ta hetana heta a tah: Nâ he nâ chakaotuhpa Izarei hrohsopazy thâtih hlâno ta ei reipa kha na châ ma? Cha daihti liata âmo a dyuh awpa ta, hrohsona bie kô hluhpi a phuahpa kha na châ ma?

ÔBADIA 1:1

He biezy he Ôbadia aluahna châ ta, Abeipa Zehôvâh ta Edômâ kyh liata a reipa biezy a châ: Abeipa tawhta bie thei pi ta, Phopizy hry liata lyuhchâpa tuapa a châ; “Thyu teh u, Edômâ a dyuh ei suh u!” Tahpa ta ama pahrua.

1 KAWRINI 10:26

“Alei he Abeipa eih châ ta, a chhôh liata hmo zydua chhao Abeipa eih a châ.”

RYHPACHANEINA 32:1

“Hy avâzy saih u, Nah pachôh teh u, Bie ei reih aw; Ei pakah tawhta biezy he Alei ta thei mawh sy.

RYHPACHANEINA 4:26

nâmo pazei nawpa ta pahnokheituhpa châta avâ nata alei tanoh ei aw ei. Zawdâh chakapa ta nama kei hnei awpa râh tawhta thlai leidia aw ei chi ta, cha râh liata hroh pareih leipa aw ei chi ta, pahleipadia khaipa nama châ aw.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

RYUREITUHPAZY 5:3

“Hy nâmo, abeizy, Nathlie u la; Hy nâmo, ryureihtuhpazy, Nama nah pachôh teh u; Abeipa lâ hla sa aw na ta, Abeipa Izarei Khazohpa lâ reithaina ei hlâ aw.

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.