ISAI 33:6 - Mara Bible RV (BSI)

⁶ Ano cha na hro chhôh ta nâ ichana a châ aw; Na pachhana sôhpa châ aw ta, Na sona nata na pahnona a châ aw; Abeipa china cha Zaio ryusôhpa a châ.

ISAI 33:6 ပူးပေါင်းရင်းမြစ်များ

2 ABEIZY 18:7

A hnohta Abeipa y ta, a siena lâ maih a hlaotloh lymâ. Asuria bei ry tawhta pua ta, Asuria bei cha chakao khao leipa ta.

ZAWBÂ 4:6

Na Khazohpa china cha na ngâhna châ tyh vei ma? Na lâpi dopazy cha na hnabeiseihna châ tyh vei ma?

HLAZY 140:7

Hy Abeipa, ei Beipa, ei pachhana thatlôna y, Adyuhna noh liata ei luh eina khu ha chi.

HLAZY 28:8

Abeipa cha a chyhsazy thatlôna châ ta, A sathawthupa châta pachhana thokhy a châ.

HLAZY 45:4

Biehmeiseihpa nata areisina nata siana châta, Nâ beina ta pahniena arâ kiah la, Na ku chachâh lâta hmo rarôh ypazy cha pachu mawh sy!

BIESOZY 14:24

Asopazy lakho cha hneirôna châ ta, Ahrupazy hruna deikua cha hruna dei a tlôkhei tyh.

BIESOZY 14:26

Abeipa a chipa chyhsa cha a riahpha ta, A sawzy ta a chhai awpa ama hnei.

BIESOZY 14:27

Abeipa china cha hrona tihnawh châ ta, Abeipa a chituhpa cha thina khoheih a khôkhâh aw.

BIESOZY 15:16

Abeipa china chôta a chyhta hneipa cha, Sôh hluhpi hnei ta a tymâpa hlâta a pha via.

BIESOZY 19:23

Abeipa china cha hrona tlôkhei ta, A hneipa maih palôh pahâ kawpa ta a pahâ ei ta, Chhiena ta âmo cha tly aw vei.

BIESOZY 2:5

Abeipa china kyh liata na novâh aw ta, Khazohpa pahnona nâ huah aw.

BIESOZY 28:2

Râh ta hmo a parao nahta, Ryureituhpa hluhpi vaw pua tyh ei ta; Pahnona nata novâhna a hneipa ryureituhpa ry liata deikua cha, Râh â ipa ta bohpi â duah tyh.

BIESOZY 29:4

Abei ta adona ta râh padua ta, Hmopiepa a latuhpa deikua ta cha a parao tyh.

BIECHHOTUHPA 7:12

Sôh ta a pabohsapa hawhta, Sona chhao abohna châ ta; Sona a hneipa ta a hrona a pabohsapa he, Pahnona phahnaina a châ.

BIECHHOTUHPA 7:19

Khihpi liata ryureituhpa pahrawh hlâta, Chyhsa sopa cha sona vâta a tha a tlô via.

ISAI 11:9

Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he Abeipa pahnona ta a bie khai aw.

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 32:17

Siana ta thlalôhna sa aw ta, Siana theilâpa cha, Chhâzaw sidiana nata hnangâhna a châ aw.

ISAI 32:18

Ei phopi cha, Thlalôhna râh liata pahrâ aw ei ta; Abohna su liata pahrâpa ta, Apahâna sidiapa zy liata ama pahrâ aw.

ISAI 33:20

Zaio cha moh tua u, Kyh eima chhi nawpa khihpi cha! Na mozy ta Zerusale khihpi cha a hmô aw. Cha khihpi cha nôpona y leina khihpi châ aw ta, Pasie thei leipa poh o a châ aw. A tôhzy phiapa châ beih leipa aw ta, Paraina ri kheihawhpa hmahta chhiepa châ aw vei.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 51:14

Alei lâ a khu thlâh hapa atâhpa cha thlai papuapa châ aw ta, Thipa ta khaohtlô lâ zu leipa aw ta, Niedo chhao a phahla aw vei.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

2 KAWRINI 6:10

Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

1 TIMAWTHY 6:6

Khazohpa khozie hawhta hroh ta, hneipa rakha liata palôhtlâh a paohpa he athôhna rônahpa a châ.