ISAI 33:5 - Mara Bible RV (BSI)

⁵ Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

ISAI 33:5 ပူးပေါင်းရင်းမြစ်များ

HLAZY 118:16

Abeipa ku chachâh lâta cheihchalo ta, Abeipa ku chachâh lâta riahpha ngaitapa ta a tao.”

HLAZY 123:1

Hy nâ, vâ beidyuchhai liata a tyuhpa y, Nâma lâta ei mo ei kaw khaih.

PUASAINA 15:1

Chatawhcha Mawsi nata Izarei sawzy cha Abeipa palyupalihpa ta he hla he sa ei ta. “Abeipa lâ hla ei sa aw, Rônahpa ta pahnie ta, Arâ nata a kiahtuhpa tilaipi chhôh lâ a thy hapa vâta.

PUASAINA 15:6

Hy Abeipa, na ku chachâh lâ liata hmotaotheina rônahpa y ta, Hy Abeipa, na ku chachâh lâta khakhaipa a chaphie khai haw.

PUASAINA 18:11

Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

ISAI 12:4

Cha noh liata hetana heta nama tah aw: “Abeipa lâ alyna bie hlâ u la, A moh pado teh u; A hmotaopazy cha phopizy hry liata pahnosa u la, A moh cha cheihchalopa a châ tahpa ta phuah teh u.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 2:17

Chyhsa apalaina cha panawhpa châ aw ta, Chyhsa apasâhsana chhao pahnaipa a châ aw; Cha noh liata cha Abeipa deita cheihchalopa châ aw ta,

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 28:6

Ryureina liata a tyuhpazy châta, Adona thlahpa châ aw ta; Thokhy chhikao liata chariah toh ta, A pakuasa awpazy châta thatlôna a châ aw.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 32:1

Pachâ teh u, siana ta ryu a reih awpa bei vaw pua aw ta, Beimachâzy ta adona ta ryu ama reih aw.

ISAI 33:10

Abeipa ta hetana heta a tah: “Tahmâ cha thyu aw na ta, Tahmâ cha keimasasyh a chalo aw na ta, Tahmâ cha cheihchalopa ta ei y ha aw.

ISAI 33:4

Hy phopizy saih u, nama hraona sôhzy cha, Chângyu chhohna pakhypa hawhta pakhypa châ aw ta, Khawsuzy a zawpa hawhta a zawhnaopa a châ aw.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

ISAI 5:16

Pheisaih Abeipa deikua cha, A ryureina dopa vâta cheihchalopa ta y aw ta; Khazohpa Pathaihpa cha, A siana hmotaopazy liata a pathaihna pasiapa a châ aw.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 56:1

Abeipa ta hetana heta a tah: “Ei pachhana vaw tlô daihmâ ha ta, Ei siana â vaw lâ patoh awpa vâta, Adona zyh u la, Siana tao teh u.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 61:11

Alei ta chizy papyusa ta, Sadô ta a chhôh liata chi tupazy a papyusapa hawhta, Abeipa Zehôvâh ta phopizy hmiakô liata Siana nata reithaina zy a papyusa aw.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 31:23

Pheisaihzy Abeipa, Izarei Khazohpa ta hetana heta a tah: “Vânoh ei patosa heih ti ei ta cha, he reikahzy he Zudâh râh nata a khihpizy liata ama hmâh heih aw: “‘Hy siana pahrâna su, Abeipa ta byhnâ cha pie sala; Hy tlâh pathaihpa, Abeipa ta byhnâ cha pie mawh sy!’ tahpa ta.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

RAWMA 11:26

Izarei zydua pachhapa ama châ aw, “Zaio tawhta pachhatuhpa vaw pua aw ta, Zakaw tawhta moleina a pahlei aw.

RAWMA 3:26

Zisu Krista cha mosiapa a châ thei nawpa nata ano ngiapâtuhpa châta thaipachâsatuhpa a châ thei nawpa ta, Khazohpa ta tahmâhlâ daihti liana heta Zisu Krista siana cha a vaw palâsapa a châ.