ISAI 33:4 - Mara Bible RV (BSI)

⁴ Hy phopizy saih u, nama hraona sôhzy cha, Chângyu chhohna pakhypa hawhta pakhypa châ aw ta, Khawsuzy a zawpa hawhta a zawhnaopa a châ aw.

ISAI 33:4 ပူးပေါင်းရင်းမြစ်များ

2 THÂTIHZYRONA 14:13

Âsâ nata a pheisaih ta Kerâ taih a chadai ei ta, Kusi mo cha ahrohpa pakha hmah y leipa ta thie ei ta, Abeipa nata a pheisaihzy hmiakô liata panawhpa ta y ei ta, Zudâh pheisaihzy ta hraona hmo hluhpi ama siekhei haw.

2 THÂTIHZYRONA 20:25

Zehôsaphâ nata a pheisaihzy cha hraona sôh la awpa ta vawh ei ta. Chhaichhizy, chysiazy nata hmo sôhpa hluhpi athihpa rizy hry liata hmô ei ta, ama phao thei leina taihta la ei ta. Hraona sôh a hluh ngaitapa vâta, noh thôh chhôh tlai ama paly.

ISAI 33:23

Na chaorizy padaopa châ ta, Poh zawna tôh pa-i thei leipa ei ta, Balyh poh pakai thei vei. Hraona sôh hluhpizy raipa châ aw ta, Pheisypazy chhao ta amâ phao hra aw.

ISAI 33:3

Tyhreihna pyu vâta phopizy a râ ei ta, Hy Abeipa, na thyu tita râhzy ama pai lymâ.

ISAI 33:5

Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

EZEKIA 25:7

pachâ teh, na chô liata ei ku hy na ta, phopizy hnohta hraona sôh ta ei cha hlâ aw. Phopizy tawhta cha chhawh pathlah aw na ta, râh to tawhta ei cha pahleipadia aw. Cha parao aw na ta, chatanachata Abeipa ei châ tahpa na pahno aw.”

ZÔELA 1:4

Khawsu nie bâhpa tykâ ta nie ta, Tykâ nie bâhpa kuri ta a nie; Kuri nie bâhpa khawthlôhraihpa ta nie ta, Khawthlôhraihpa nie bâhpa cha, Chângyu ta a nie khai haw.

ZÔELA 2:25

Khawsu zaw ta a nie khai hapa nama kôveizy kha, Ei cha thô aw ei; Tykâ nata kurizy ta ama nie khai hapazy chhao, Cha thô aw ei na ta; Khawthlôhraihpa nata chângyuzy ta ama nie khai hapazy Ei cha thô aw ei.

ZÔELA 2:3

Mei ta ama hmia lâta palâ laih ta, Meipaleih ta ama hnôh lâta a kâ laih. Ama hmia lâta râh cha, Idâh sadô lyu ta; Ama hnôh lâta râh deikua cha, Râhchawhpa roryhrapa hawhta a châ; Âmo tawhta a boh theipa y vei.

ZÔELA 2:9

Khihpi chô liata a zaw ei ta, Thokhyzy ama kiah; Ozy chhao kiah ei ta, Parutuhpa hawhta opyzy lâ tawhta amâ ngia.