ISAI 33:15 - Mara Bible RV (BSI)

¹⁵ Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ISAI 33:15 ပူးပေါင်းရင်းမြစ်များ

ZAWBÂ 31:7

Ei phei ta lâpi tleisai sala, Ei palôh ta ei mo zipa ta, Ei kuzy liata avyhpa â bai khiahta cha,

HLAZY 106:3

Adona a duakheipazy cha nohlao ei ta, Khatino rai ta a siapa ta hmo a taopazy ama nohlao tyh.

HLAZY 119:37

Ei mo he hraoleipa hmozy mona tawhta paheisaisa la, Na lâpizy achhihna liata hrona na pie mah y.

HLAZY 15:5

A pôhna chhaota a sôh dyu a pacheisa leipa, Moleina a hnei leipa thailei pachâsa nawpa ta panaopapana a la leipa; Chazy chata na poh o liata tlôh aw ei ta, Na tlâh pathaihpa liata ama pahrâ aw. Cha hmozy a taotuhpa cha a chalyu beih aw vei.

BIESOZY 1:10

Ei sawchapawpa y, moleipazy ta ama cha reipasao khiahta cha, A pyh khah y.

BIESOZY 1:15

Ei sawchapawpa y, ama lâpi a chhih hra leipa la, Ama lâpizy tawhta na phei a sysai ha mah y.

BIESOZY 10:9

 dopa ta a siepa cha â bohpa ta sie ta, A lâpi a pakosapa deikua cha â lâ thlyu tyh.

BIESOZY 15:27

Athôhna doleipa hmô khohpa ta karâypa chyhsa cha, A chhôhkha châta tymâna tlôkhei ta; Panaopapana a haopa deikua cha, A hro a pareih aw.

ISAI 58:6

Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

ISAI 58:8

“Chatanachata na khaihna cha, My khihdei hawhta khaih aw ta; Na hnatlâna a pha patoh aw. Na siana ta hmia châ sahpa aw ta, Abeipa rônahna ta na hnôh lâ a cha vaih aw.

EZEKIA 22:13

“Chavâta pachâ teh, avyuhna ta nâ thôhna nata khihpi chhôh liata thisaih na palona zy vâta na chô liata ei ku ei pathla aw.

MALAKHAI 2:6

“Ryhpa dopa a pakah liata y ta, Biedoleipa a hmao liata y vei. Thlalôhna nata adona ta na sielâh tyh ta, Chyhsa hluhpi moleina tawhta a pakuasa ei.

MALUHREINA 16:15

Mawsi cha a hiehâh ngaita ta, Abeipa hnohta, “Ama hmohlâpa a pyh khah y. Âmo tawhta alâ pô kha hmah la leipa na ta, ama hry liata pakha hmah pasasa beih va na,” tah ta.

MATHAI 26:15

ama hnohta, “Ano cha, cha patusa aw ei sah la, khâpa eina pie aw ei chi?” tah ta. Tâkâ tlaw sythôh pie ei ta.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

ZÂMIE 5:4

Nathlie tua u, nama lyu rai a hriapazy hlao â doleipa ta nama patâhpazy khata nâmo leihpa ta awh ei ta, hriatuhpazy chana pyu cha, Pheisaihzy Abeipa nakhaoh liata â ngia haw.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.